೮. ನಿಯಾಮೋಕ್ಕನ್ತಿಕಥಾವಣ್ಣನಾ

೪೦೩. ಪಾರಮೀಪೂರಣನ್ತಿ ಇದಂ ಬೋಧಿಚರಿಯಾಯ ಉಪಲಕ್ಖಣಂ, ನ ಪಾರಮೀನಂ ಪುಣ್ಣಭಾವದಸ್ಸನಂ. ತೇನ ತೇಸಂ ಆರಮ್ಭಸಮಾದಾನಾದೀನಮ್ಪಿ ಸಙ್ಗಹೋ ಕತೋತಿ ದಟ್ಠಬ್ಬಂ. ಮಹಾಭಿನೀಹಾರತೋ ಪಟ್ಠಾಯ ಹಿ ಮಹಾಸತ್ತಾ ನಿಯತಾತಿ ವುಚ್ಚನ್ತಿ. ಯಥಾಹ – ‘‘ಏವಂ ಸಬ್ಬಙ್ಗಸಮ್ಪನ್ನಾ, ಬೋಧಿಯಾ ನಿಯತಾ ನರಾ’’ತಿ, ‘‘ಧುವಂ ಬುದ್ಧೋ ಭವಿಸ್ಸತೀ’’ತಿ ಚ, ನ ನಿಯಾಮಸ್ಸ ನಾಮ ಕಸ್ಸಚಿ ಧಮ್ಮಸ್ಸ ಉಪ್ಪನ್ನತ್ತಾ ಬ್ಯಾಕರೋನ್ತಿ, ಅಥ ಖೋ ಏಕಂಸೇನಾಯಂ ಪಾರಮಿಯೋ ಪೂರೇತ್ವಾ ಬುದ್ಧೋ ಭವಿಸ್ಸತೀತಿ ಕತ್ವಾ ಬ್ಯಾಕರೋನ್ತೀತಿ ಪರವಾದೀಪರಿಕಪ್ಪಿತಂ ಧಮ್ಮನ್ತರಂ ಪಟಿಸೇಧೇತಿ, ನ ಬೋಧಿಯಾ ನಿಯತತ್ತಂ. ತೇನಾಹ ‘‘ಕೇವಲಞ್ಹಿ ನ’’ನ್ತಿಆದಿ.

ನಿಯಾಮೋಕ್ಕನ್ತಿಕಥಾವಣ್ಣನಾ ನಿಟ್ಠಿತಾ.