೧೦. ಸಬ್ಬಸಂಯೋಜನಪ್ಪಹಾನಕಥಾವಣ್ಣನಾ

೪೧೩. ಸತಿಪಿ ಕೇಸಞ್ಚಿ ಸಂಯೋಜನಾನಂ ಹೇಟ್ಠಿಮಮಗ್ಗೇಹಿ ಪಹೀನತ್ತೇ ‘‘ಪಞ್ಚನ್ನಂ ಓರಮ್ಭಾಗಿಯಾನಂ ಸಂಯೋಜನಾನಂ ಪರಿಕ್ಖಯಾ’’ತಿಆದೀಸು ವಿಯ ವಣ್ಣಭಣನಮುಖೇನ ಅನವಸೇಸತಞ್ಚ ಸನ್ಧಾಯ ಸಬ್ಬಸಂಯೋಜನಪ್ಪಹಾನಕಿತ್ತನಂ ಪರಿಯಾಯವಚನನ್ತಿ ಆಹ ‘‘ಇಮಂ ಪರಿಯಾಯಂ ಅಗ್ಗಹೇತ್ವಾ’’ತಿ. ಅರಹತ್ತಮಗ್ಗೇನ ಪಜಹನತೋ ಏವಾತಿ ಗಣ್ಹಾತೀತಿ ಅಗ್ಗಮಗ್ಗೋ ಏವ ಸಬ್ಬಸಂಯೋಜನಾನಿ ಪಜಹತೀತಿ ಲದ್ಧಿಂ ಗಣ್ಹಾತೀತಿ ವದನ್ತಿ ಪದಕಾರಾ. ಏವಂ ಸತೀತಿ ಯದಿ ಅನವಸೇಸತಾಮತ್ತೇನ ತಥಾ ಪಟಿಜಾನಾತಿ.

ಸಬ್ಬಸಂಯೋಜನಪ್ಪಹಾನಕಥಾವಣ್ಣನಾ ನಿಟ್ಠಿತಾ.

ಚತುತ್ಥವಗ್ಗವಣ್ಣನಾ ನಿಟ್ಠಿತಾ.