೬. ಅಟ್ಠಮಕಸ್ಸ ಇನ್ದ್ರಿಯಕಥಾವಣ್ಣನಾ

೩೭೧. ಲೋಕುತ್ತರಾನಂಯೇವ ಸದ್ಧಾದೀನಂ ಇನ್ದ್ರಿಯಭಾವೋ, ನ ಲೋಕಿಯಾನನ್ತಿ ಪರವಾದಿನೋ ಅಧಿಪ್ಪಾಯವಸೇನಾಹ ‘‘ಅಪ್ಪಟಿಲದ್ಧಿನ್ದ್ರಿಯತ್ತಾ’’ತಿಆದಿ. ತತ್ಥ ನಿಯ್ಯಾನಿಕಾನಿ ಭಾವೇನ್ತೋತಿ ಯಥಾ ನಿಯ್ಯಾನಿಕಾ ಹೋನ್ತಿ, ಏವಂ ಉಪ್ಪಾದೇನ್ತೋ ಬ್ರೂಹೇನ್ತೋ ವಾ. ಇನ್ದ್ರಿಯಭಾವಂ ಪನ ಪತ್ತೇಸು ತೇಸು ಪುನ ಭಾವನಾಕಿಚ್ಚಂ ನತ್ಥೀತಿ ತಸ್ಸ ಅಧಿಪ್ಪಾಯೋತಿ ದಸ್ಸೇನ್ತೋ ಆಹ ‘‘ನ ಪನ ಇನ್ದ್ರಿಯಾನಿ ಭಾವೇನ್ತೋ’’ತಿ.

ಅಟ್ಠಮಕಸ್ಸ ಇನ್ದ್ರಿಯಕಥಾವಣ್ಣನಾ ನಿಟ್ಠಿತಾ.