೮. ಸತಿಪಟ್ಠಾನಕಥಾವಣ್ಣನಾ

೩೦೧. ಪರಮತ್ಥಸತಿಪಟ್ಠಾನತ್ತಾತಿ ಏತೇನ ಲೋಕುತ್ತರಾಯ ಏವ ಸಮ್ಮಾಸತಿಯಾ ತತ್ಥಾಪಿ ಮಗ್ಗಭೂತಾಯ ನಿಪ್ಪರಿಯಾಯೇನ ಸತಿಪಟ್ಠಾನಭಾವೋ ನಿಯ್ಯಾನಿಕತ್ತಾ ಇತರಾಯ ಪರಿಯಾಯೇನಾತಿ ದಸ್ಸೇತಿ. ಮಗ್ಗಫಲಸಮ್ಮಾಸತಿಯಾ ಧಮ್ಮಾನುಸ್ಸತಿಭಾವಪರಿಯಾಯೋ ಅತ್ಥೀತಿ ‘‘ಲೋಕಿಯಲೋಕುತ್ತರಸತಿಪಟ್ಠಾನಸಮುದಾಯಭೂತಸ್ಸಾ’’ತಿ ವುತ್ತಂ. ಸತಿಸಮುದಾಯಭೂತಸ್ಸ ನ ಸತಿಗೋಚರಭೂತಸ್ಸಾತಿ ಅಧಿಪ್ಪಾಯೋ. ಸತಿಗೋಚರಸ್ಸ ಹಿ ಸತಿಪಟ್ಠಾನತಂ ಚೋದೇತುಂ ಪಾಳಿಯಂ ‘‘ಚಕ್ಖಾಯತನಂ ಸತಿಪಟ್ಠಾನ’’ನ್ತಿ ಆರದ್ಧಂ. ತೇನ ವುತ್ತಂ ‘‘ಸಬ್ಬಧಮ್ಮಾನಂ ಪಭೇದಪುಚ್ಛಾವಸೇನ ವುತ್ತ’’ನ್ತಿ. ಸುತ್ತಸಾಧನಾಯಂ ಪನ ಪಠಮಂ ಲೋಕಿಯಸತಿಪಟ್ಠಾನವಸೇನ, ದುತಿಯಂ ಮಿಸ್ಸಕವಸೇನ, ತತಿಯಂ ಲೋಕುತ್ತರವಸೇನ ದಸ್ಸಿತನ್ತಿ ವೇದಿತಬ್ಬಂ.

ಸತಿಪಟ್ಠಾನಕಥಾವಣ್ಣನಾ ನಿಟ್ಠಿತಾ.