೧೦. ಪಞ್ಞತ್ತಾನುಯೋಗವಣ್ಣನಾ

೬೧-೬೬. ರೂಪಕಾಯಾವಿರಹಂ ಸನ್ಧಾಯ ಆಹ, ನ ರೂಪತಣ್ಹಾಸಬ್ಭಾವಂ. ತಥಾ ಸತಿ ಅನೇಕನ್ತಿಕತ್ತಾ ಪಟಿಕ್ಖಿಪಿತಬ್ಬಮೇವ ಸಿಯಾ, ನ ಅನುಜಾನಿತಬ್ಬನ್ತಿ. ‘‘ಅತ್ಥಿತಾಯಾ’’ತಿ ಆಹಾತಿ ಸಮ್ಬನ್ಧೋ. ಕಾಮೀಭಾವಸ್ಸ ಅನೇಕನ್ತಿಕತ್ತಾ ಕಸ್ಸಚಿ ಕಾಮಧಾತೂಪಪನ್ನಸ್ಸ ಕಾಮಧಾತುಯಾ ಆಯತ್ತತ್ತಾಭಾವತೋ ಚ ಕದಾಚಿ ಭಾವಸ್ಸೇವಾತಿ ಯೋಜನಾ.

೬೭. ಕಾಯಾನುಪಸ್ಸನಾಯಾತಿ ಕಾಯಾನುಪಸ್ಸನಾದೇಸನಾಯ. ಸಾ ಹಿ ಕಾಯಕಾಯಾನುಪಸ್ಸೀನಂ ವಿಭಾಗಗ್ಗಹಣಸ್ಸ ಕಾರಣಭೂತಾ, ಕಾಯಾನುಪಸ್ಸನಾ ಏವ ವಾ. ಏವಂಲದ್ಧಿಕತ್ತಾತಿ ಅಞ್ಞೋ ಕಾಯೋ ಅಞ್ಞೋ ಪುಗ್ಗಲೋತಿ ಏವಂಲದ್ಧಿಕತ್ತಾ. ಆಹಚ್ಚ ಭಾಸಿತನ್ತಿ ಠಾನಕರಣಾನಿ ಆಹನ್ತ್ವಾ ಕಥಿತಂ, ಭಗವತಾ ಸಾಮಂ ದೇಸಿತನ್ತಿ ಅತ್ಥೋ.

ಪಞ್ಞತ್ತಾನುಯೋಗವಣ್ಣನಾ ನಿಟ್ಠಿತಾ.