೬. ಛಟ್ಠನಿಸ್ಸಗ್ಗಿಯಪಾಚಿತ್ತಿಯಸಿಕ್ಖಾಪದವಣ್ಣನಾ

೭೫೮-೭೬೨. ಪಾವಾರಿಕಸ್ಸಾತಿ ದುಸ್ಸವಾಣಿಜಕಸ್ಸ. ಯಾಯ ಚೇತಾಪಿತಂ, ತಸ್ಸಾ ನಿಸ್ಸಗ್ಗಿಯಂ, ನಿಸ್ಸಟ್ಠಪಟಿಲಾಭೋ ಚ. ‘‘ಇತರಾಸಂ ಪನ ಜಾನಿತ್ವಾ ವಸ್ಸಗ್ಗೇನ ಪತ್ತಕೋಟ್ಠಾಸಂ ಸಾದಿಯನ್ತೀನಮ್ಪಿ ನ ನಿಸ್ಸಗ್ಗಿಯಂ, ಕೇವಲಂ ಯಥಾದಾನೇ ಏವ ತಾಹಿಪಿ ಉಪನೇತಬ್ಬ’’ನ್ತಿ ವದನ್ತಿ. ‘‘ನಿಸ್ಸಟ್ಠಂ ಪಟಿಲಭಿತ್ವಾಪಿ ಯಥಾದಾನೇ ಉಪನೇತಬ್ಬ’ನ್ತಿ ವುತ್ತತ್ತಾ ಸೇಸಾಹಿ ಗಹಿತಂ ಸುಗ್ಗಹಿತ’’ನ್ತಿ ವದನ್ತಿ. ಏತ್ಥ ಗಿಲಾನಾಯಪಿ ನ ಮೋಕ್ಖೋ.

ಛಟ್ಠನಿಸ್ಸಗ್ಗಿಯಪಾಚಿತ್ತಿಯಸಿಕ್ಖಾಪದವಣ್ಣನಾ ನಿಟ್ಠಿತಾ.