೭. ಸತ್ತಮಸಙ್ಘಾದಿಸೇಸಸಿಕ್ಖಾಪದವಣ್ಣನಾ

೭೧೨-೪. ಕಮ್ಮವಾಚತೋ ಪುಬ್ಬೇ ಆಪನ್ನಾಪತ್ತಿಯೋ ನ ಪಟಿಪ್ಪಸ್ಸಮ್ಭನ್ತಿ. ಞತ್ತಿಯಾ ದುಕ್ಕಟಥುಲ್ಲಚ್ಚಯಾ ಪಟಿಪ್ಪಸ್ಸಮ್ಭನ್ತಿ ಸಙ್ಘಾದಿಸೇಸೇ ಪತ್ತೇತಿ ಪೋರಾಣಾ. ತಂ ‘‘ಅಜ್ಝಾಪಜ್ಜನ್ತಿಯಾ’’ತಿ ಪಾಳಿಯಾ ಸಮೇತಿ. ‘‘ಸುತ್ವಾ ನ ವದನ್ತೀ’’ತಿ ಏತ್ಥ ಸಚೇ ಜೀವಿತಬ್ರಹ್ಮಚರಿಯನ್ತರಾಯಭಯಾ ನ ವದನ್ತಿ, ಅನಾಪತ್ತಿ. ‘‘ಅಧಮ್ಮಕಮ್ಮೇ ಅಧಮ್ಮಕಮ್ಮಸಞ್ಞಾ ಆಪತ್ತಿ ದುಕ್ಕಟಸ್ಸಾ’’ತಿ ವುತ್ತತ್ತಾ ‘‘ಅನಾಪತ್ತಿ ಅಸಮನುಭಾಸನ್ತಿಯಾ’’ತಿ ಸಙ್ಘಾದಿಸೇಸಂ ಸನ್ಧಾಯ ವುತ್ತಂ.

ಸತ್ತಮಸಙ್ಘಾದಿಸೇಸಸಿಕ್ಖಾಪದವಣ್ಣನಾ ನಿಟ್ಠಿತಾ.