ಚೂಳಸಙ್ಗಾಮವಣ್ಣನಾ

ಅನುವಿಜ್ಜಕಸ್ಸಪಟಿಪತ್ತಿವಣ್ಣನಾ

೩೬೫. ಠಾನನಿಸಜ್ಜವತ್ಥಾದಿನಿಸ್ಸಿತಾತಿ ‘‘ಏವಂ ಠಾತಬ್ಬಂ ಏವಂ ನಿಸೀದಿತಬ್ಬ’’ನ್ತಿ ಏವಮಾದಿಕಾ. ಸಞ್ಞಾಜನನತ್ಥನ್ತಿ ‘‘ಏವಂ ವತ್ತಬ್ಬ’’ನ್ತಿ ಏವಂ ಸಞ್ಜಾನನತ್ಥಂ. ಅನುವಿಧಿಯನ್ತೇನಾತಿ ಚಿತ್ತೇ ಠಪೇನ್ತೇನಾತಿ ಅತ್ಥೋ. ಲಜ್ಜಾ ಸಾ ನು ಖೋತಿ ಕಿಂ ಸಾ ಲಜ್ಜಾ ಅಯಂ ಪರಿಸಾತಿ ಅಧಿಪ್ಪಾಯೋ. ಅನುಯೋಗವತ್ತಂ ಕಥಾಪೇತ್ವಾತಿ ‘‘ಕಿಮನುಯೋಗವತ್ತಂ ಜಾನಾಸೀ’’ತಿ ಪುಚ್ಛಿತ್ವಾ ತೇನೇವ ಕಥಾಪೇತ್ವಾ. ಅಜಾನನಪ್ಪಸಙ್ಗಾ ನಾಮ ಅಞ್ಞಾಣಂ.

೩೬೭. ‘‘ಭಯೇನ ಭಯಾ ಗಚ್ಛತೀ’’ತಿ ಭಯೇನ ಭಯಹೇತು ಭಯಾ ಗಚ್ಛತೀತಿ ಹೇತುವಸೇನ ವುತ್ತಂ. ಯಥಾ ‘‘ರತ್ತತ್ತಾ ಪನ ದುಟ್ಠತ್ತಾ ಚ ಛನ್ದಾ ದೋಸಾ ಚ ಗಚ್ಛತೀ’’ತಿ ಹಿ ವುತ್ತಂ, ಏವಂ.