೧೧. ದುಬ್ಬಲಸಿಕ್ಖಾಪದವಣ್ಣನಾ

೪೮೪-೫. ಅದಾಸೀತಿ ಅಪಲೋಕೇತ್ವಾ ಅದಾಸಿ. ಭಿಕ್ಖೂತಿ ಏತ್ಥ ತೇ ಛಬ್ಬಗ್ಗಿಯಾ ಅತ್ತಾನಂ ಪರಿವಜ್ಜಯಿತ್ವಾ ‘‘ಸಙ್ಘೋ’’ತಿ ಅವತ್ವಾ ‘‘ಭಿಕ್ಖೂ’’ತಿ ಆಹಂಸು. ಪರಿಣಾಮೇನ್ತೀತಿ ನೇನ್ತಿ. ತತ್ಥ ಲಾಭೋತಿ ಪದುದ್ಧಾರಕರಣಂ ಇಧ ಅನಧಿಪ್ಪೇತಸ್ಸಪಿ ಯಸ್ಸ ಕಸ್ಸಚಿ ಅತ್ಥುದ್ಧಾರವಸೇನ ಲಾಭದೀಪನತ್ಥಂ. ಚೀವರಮೇವ ಹಿ ಇಧಾಧಿಪ್ಪೇತಂ, ತೇನೇವ ‘‘ಅಞ್ಞಂ ಪರಿಕ್ಖಾರಂ ದಿನ್ನಂ ಖೀಯತಿ, ಆಪತ್ತಿ ದುಕ್ಕಟಸ್ಸಾ’’ತಿ ವುತ್ತಂ. ದಿನ್ನನ್ತಿ ಚ ಪರಿಕ್ಖಾರನ್ತಿ ಚ ಭುಮ್ಮತ್ಥೇ ಉಪಯೋಗವಚನಂ.

ದುಬ್ಬಲಸಿಕ್ಖಾಪದವಣ್ಣನಾ ನಿಟ್ಠಿತಾ.