೮. ಅರಿಟ್ಠಸಿಕ್ಖಾಪದವಣ್ಣನಾ

೪೧೭. ಗಹಟ್ಠಸ್ಸಾಪಿ ಭಿಕ್ಖುನೀದೂಸಕಕಮ್ಮಂ ಮೋಕ್ಖನ್ತರಾಯಿಕಮೇವ, ತಸ್ಮಾ ತಸ್ಸ ಪಬ್ಬಜ್ಜಾಪಿ ಪಟಿಕ್ಖಿತ್ತಾ. ವಿಪಾಕನ್ತರಾಯಿಕಾ ಅಹೇತುಕತ್ತಾ. ಪುಬ್ಬೇ ಸಞ್ಚಿಚ್ಚ ಆಪನ್ನಾ ಸಮ್ಮುಟ್ಠಾ ಸುದ್ಧಸಞ್ಞಿನೋ ಅನ್ತರಾಯಿಕಾ ಏವ. ಸೇಸಾತಿ ಜಾತಿಕಾ. ರಸೇನಾತಿ ಭಾವೇನ. ಅಧಿಕುಟ್ಟನಟ್ಠೇನಾತಿ ಅಧಿಕರಣಂ ಕತ್ವಾ ಕುಟ್ಟನಟ್ಠೇನ ಛಿನ್ದನಟ್ಠೇನ. ಅಸಿಸೂನೂಪಮಾ ಕುಸಲಧಮ್ಮಚ್ಛೇದನಟ್ಠೇನ. ಸತ್ತಿಸೂಲೂಪಮಾ ಚಿತ್ತವಿತುದನಟ್ಠೇನಾತಿ ಪೋರಾಣಾ. ಅನಾಪತ್ತಿಪಾಳಿಯಂ ‘‘ಆದಿಕಮ್ಮಿಕಸ್ಸಾ’’ತಿ ಮುಖಾರುಳ್ಹವಸೇನ ಲಿಖಿತಂ.

ಅರಿಟ್ಠಸಿಕ್ಖಾಪದವಣ್ಣನಾ ನಿಟ್ಠಿತಾ.