೬. ಥೇಯ್ಯಸತ್ಥಸಿಕ್ಖಾಪದವಣ್ಣನಾ

೪೦೯. ಥೇಯ್ಯಸತ್ಥೋ ಚೇ ಸುದ್ಧಮಾತುಗಾಮೋ ದ್ವೇ ಆಪತ್ತಿಯೋ. ಅಥ ಭಿಕ್ಖುನಿಯೋ, ಸಮಯೋ ರಕ್ಖತಿ. ಥೇಯ್ಯಸತ್ಥಭಾವಸ್ಸ ಠಾನಂ ಕತ್ವಾ ರಕ್ಖಣೀಯತ್ತಾ ಸಹಧಮ್ಮಿಕಾನಂ ರಕ್ಖತಿಯೇವಾತಿ ಏಕೇ. ಥೇಯ್ಯಭಾವೇ ನ ಸಹಧಮ್ಮಿಕತಾ, ತಸ್ಮಾ ನ ರಕ್ಖತಿ ಏವಾತಿ ಏಕೇ. ಅಪಾರಾಜಿಕಥೇಯ್ಯಭಾವೇ ಸತಿ ಸಹಧಮ್ಮಿಕಭಾವೋತಿ ಚೇ? ಇತರಸ್ಮಿಂ ಇತರನ್ತಿ ಸಮಯೋ ಅನಿಸ್ಸಟೋ ಆಪಜ್ಜತಿ. ಭಿಕ್ಖು ಥೇಯ್ಯಸತ್ಥೋ ಚೇ, ಯಥಾವತ್ಥುಕಮೇವ. ಥೇಯ್ಯಸತ್ಥೇ ಥೇಯ್ಯಸತ್ಥಸಞ್ಞೀ ಸದ್ಧಿಂ ಸಂವಿಧಾಯಾತಿ ಚ. ‘‘ಸದ್ಧಿ’’ನ್ತಿ ಪದಂ ಕೇಸುಚಿ ನತ್ಥಿ, ತಂ ಅನನುರೂಪಂ. ತಥಾ ದುತಿಯೇಪಿ.

ಥೇಯ್ಯಸತ್ಥಸಿಕ್ಖಾಪದವಣ್ಣನಾ ನಿಟ್ಠಿತಾ.