೯. ಪಣೀತಭೋಜನಸಿಕ್ಖಾಪದವಣ್ಣನಾ

೨೫೯. ಅಕಪ್ಪಿಯಸಪ್ಪಿನಾತಿ ಯೇಸಂ ಮಂಸಂ ನ ಕಪ್ಪತಿ, ತೇಸಂ ಸಪ್ಪಿನಾ. ‘‘ವಸಾತೇಲಞ್ಹಿ ಠಪೇತ್ವಾ ಅಕಪ್ಪಿಯಸಪ್ಪಿ ನಾಮ ನತ್ಥೀ’’ತಿ ಲಿಖಿತಂ. ವಿಸಙ್ಕೇತನ್ತಿ ಏತ್ಥ ‘‘ಸೂಪೋದನವಿಞ್ಞತ್ತಿಪಿ ನ ಹೋತೀ’’ತಿ ವುತ್ತಂ. ಕಾಯಿಕಾನೀತಿ ಕಾಯೇನ ಆಪಜ್ಜಿತಬ್ಬಾನಿ.

೨೬೧. ಮಹಾನಾಮಸಿಕ್ಖಾಪದೇನ ಕಾರೇತಬ್ಬೋತಿ ಸಙ್ಘವಸೇನ ಪವಾರಿತೇ ಭೇಸಜ್ಜತ್ಥಾಯ ಸಪ್ಪಿಆದಿಪಞ್ಚಕಂ ವಿಞ್ಞಾಪೇತಿ ಚೇ, ತತ್ಥ ‘‘ನ ಭೇಸಜ್ಜೇನ ಕರಣೀಯೇನ ಭೇಸಜ್ಜ’’ನ್ತಿ ಏತ್ಥ ಸಙ್ಗಹಂ ಗಚ್ಛತಿ, ತಸ್ಮಾ ‘‘ತೇನ ಪಾಚಿತ್ತಿಯ’’ನ್ತಿ ವುತ್ತಂ. ಪಾಳಿಮುತ್ತಕೇಸು ‘‘ಭಿಕ್ಖುನೀನಮ್ಪಿ ದುಕ್ಕಟ’’ನ್ತಿ ಲಿಖಿತಂ.

ಪಣೀತಭೋಜನಸಿಕ್ಖಾಪದವಣ್ಣನಾ ನಿಟ್ಠಿತಾ.