೮. ಭೂತಾರೋಚನಸಿಕ್ಖಾಪದವಣ್ಣನಾ

೬೭. ‘‘ಚತುತ್ಥಪಾರಾಜಿಕವತ್ಥು ಚ ಇದಞ್ಚ ಏಕಮೇವಾ’’ತಿ ವುತ್ತಂ, ನ ಯುತ್ತಂ. ಕಸ್ಮಾ? ತತ್ಥ ‘‘ಮೋಘಪುರಿಸಾ’’ತಿ ವುತ್ತತ್ತಾ. ತೇ ಅರಿಯಮಿಸ್ಸಕಾ ನ ಹೋನ್ತೀತಿ ದ್ವೇಪಿ ಏಕಸದಿಸಾನೀತಿ ಮಮ ತಕ್ಕೋ. ‘‘ಅರಿಯಾಪಿ ಪಟಿಜಾನಿಂಸು, ತೇಸಮ್ಪಿ ಅಬ್ಭನ್ತರೇ ವಿಜ್ಜಮಾನತ್ತಾ ಉತ್ತರಿಮನುಸ್ಸಧಮ್ಮಸ್ಸಾ’’ತಿ ಲಿಖಿತಂ. ‘‘ಸಬ್ಬೇಪಿ ಭೂತಂ ಭಗವಾತಿ ಪುಥುಜ್ಜನಅರಿಯಾನಂ ಉತ್ತರಿಮನುಸ್ಸಧಮ್ಮಸ್ಸ ಆರೋಚಿತತ್ತಾ ‘ಭೂತ’ನ್ತಿ ವುತ್ತಂ, ನ ಅತ್ತನೋ ಉತ್ತರಿಮನುಸ್ಸಧಮ್ಮಂ ಸನ್ಧಾಯಾತಿ ಅಪರೇ’’ತಿ ವುತ್ತಂ.

೭೭. ಪುಬ್ಬೇ ಅವುತ್ತೇಹೀತಿ ಚತುತ್ಥಪಾರಾಜಿಕೇ ಅವುತ್ತೇಹೀತಿ.

ಭೂತಾರೋಚನಸಿಕ್ಖಾಪದವಣ್ಣನಾ ನಿಟ್ಠಿತಾ.