೯. ವಸ್ಸಿಕಸಾಟಿಕಸಿಕ್ಖಾಪದವಣ್ಣನಾ

೫೪೨. ವಸ್ಸಿಕಸಾಟಿಕಾಪಿ ಉಕ್ಕಟ್ಠಪಟಿಚ್ಛೇದವಸೇನ ಅನುಞ್ಞಾತಾ. ವಸ್ಸಕಾಲೇ ಕೇಚಿ ಸಙ್ಘಾಟಿಪರಿಭೋಗೇನೇವ ಪರಿಭುಞ್ಜಿಸ್ಸನ್ತೀತಿ ಅಯಂ ಭಗವತೋ ಅಧಿಪ್ಪಾಯೋ ಸಿಯಾ. ಕಿಞ್ಚಾಪಿ ಇಮಿನಾ ತಕ್ಕೇನ ಅನುಞ್ಞಾತಾ, ‘‘ಅಪ್ಪಮಾಣಿಕಾಯೋ ಕಣ್ಡುಪಟಿಚ್ಛಾದಿಯೋ ಧಾರೇನ್ತಿ, ವಸ್ಸಿಕಸಾಟಿಕಾಯೋ ಧಾರೇನ್ತೀ’’ತಿ ಇಮಸ್ಮಿಂ ವತ್ಥುಸ್ಮಿಂ ಪಞ್ಞತ್ತತ್ತಾ ಪನ ಅಞ್ಞಥಾ ಪುಣ್ಣಪರಿಚ್ಛೇದತೋ ಅಧಿಕಪ್ಪಮಾಣಾಯೋ ತೇ ಭಿಕ್ಖೂ ಧಾರೇಸುನ್ತಿ ಕತ್ವಾ ಏತಪರಮತಾ ತಾಸಂ ಅನುಞ್ಞಾತಾತಿ ವೇದಿತಬ್ಬಾ. ಏಸೇವ ನಯೋ ದಸಮೇಪಿ.

ವಸ್ಸಿಕಸಾಟಿಕಸಿಕ್ಖಾಪದವಣ್ಣನಾ ನಿಟ್ಠಿತಾ.