೬. ಸುರುಸುರುವಗ್ಗವಣ್ಣನಾ

೬೨೭. ‘‘ಸುರುಸುರು’’ನ್ತಿ ಚ ‘‘ಸುರೋಸುರೋ’’ತಿ ಚ ಪಾಠೋ. ಸೀತೀಕತೋತಿ ಸೀತಙ್ಕೋ. ‘‘ಸಿಲಕಬುದ್ಧೋತಿ ಅರಿಯಾನಂ ಪರಿಹಾಸವಚನಮೇವೇತ’’ನ್ತಿ ಲಿಖಿತಂ.

೬೩೧. ಪಟಿಕ್ಕೂಲವಸೇನಾತಿ ಏತ್ಥ ಯದಿ ಪಟಿಕ್ಕೂಲವಸೇನ ಪಟಿಕ್ಖಿತ್ತಂ, ‘‘ಸೇಯ್ಯಥಾಪಿ ಕಾಮಭೋಗಿನೋ’’ತಿ ನ ವತ್ತಬ್ಬಂ. ನ ಹಿ ತೇ ಪಟಿಕ್ಕೂಲಂ ಕರೋನ್ತೀತಿ ಚೇ? ನ, ಇಸ್ಸರಿಯಲಿಙ್ಗವಸೇನ ಗಹಣಸಮ್ಭವತೋ. ತೇ ಹಿ ಅನಾದರಾ ಹೋನ್ತಿ. ಪತ್ತಧೋವನನ್ತಿ ಪತ್ತಧೋವನೋದಕಂ ಭೋಜನಪಟಿಸಂಯುತ್ತಂ.

೬೩೪. ‘‘ಛತ್ತಪಾದುಕಾಯ’’ನ್ತಿ ಚ ‘‘ಛತ್ತಪಾದೇ’’ತಿ ಚ ಪಾಠೋ.

೬೩೭. ಚಾಪೋತಿ ಸತ್ತಖಾದನವಧೋ. ‘‘ಸೇಸಾ ಸಬ್ಬಾ ಧನುವಿಕತಿ ಕೋದಣ್ಡೇ ಪವಿಟ್ಠಾ’’ತಿ ಚ ಲಿಖಿತಂ, ಪಟಿಮುಕ್ಕನ್ತಿ ಪವೇಸಿತಂ, ಲಗ್ಗಿತಂ ಹೋತೀತಿ ಅತ್ಥೋ.

ಸುರುಸುರುವಗ್ಗವಣ್ಣನಾ ನಿಟ್ಠಿತಾ.