೨. ರತನಸಿಕ್ಖಾಪದವಣ್ಣನಾ

೫೦೪. ‘‘ಅಧಿವಾಸೇನ್ತು ಗಹಪತಿನೋ ಭತ್ತ’’ನ್ತಿ ಚ ‘‘ಮೇ ಗಹಪತಿನೋ’’ತಿ ಚ ಅತ್ಥಿ.

೫೦೬. ಕುರುನ್ದಿವಚನೇನ ಘರೇಪಿ ಯದಿ ಭಿಕ್ಖೂ ಆಸಙ್ಕನ್ತಿ, ತತ್ಥ ಠತ್ವಾ ಆಚಿಕ್ಖಿತಬ್ಬನ್ತಿ ವುತ್ತಂ ಹೋತಿ. ಪತಿರೂಪಾತಿ ‘‘ರತನಸಮ್ಮತೇ ಪಂಸುಕೂಲಗ್ಗಹಣಂ ವಾ ರತನೇ ನಿರುಸ್ಸುಕ್ಕಗಮನಂ ವಾ’’ತಿ ಲಿಖಿತಂ. ‘‘ತಾವಕಾಲಿಕವಸೇನಪಿ ಅನಾಮಾಸಂ ಪಟಿಗ್ಗಣ್ಹಿತುಂ ನ ಲಭತೀ’’ತಿ ವದನ್ತಿ. ಸಮಾದಪೇತ್ವಾತಿ ಯಾಚಿತ್ವಾ ‘‘ಉದ್ದಿಸ್ಸ ಅರಿಯಾ ತಿಟ್ಠನ್ತಿ, ಏಸಾ ಅರಿಯಾನ ಯಾಚನಾ’’ತಿ (ಜಾ. ೧.೭.೫೯) ವುತ್ತನಯೇನ.

ರತನಸಿಕ್ಖಾಪದವಣ್ಣನಾ ನಿಟ್ಠಿತಾ.