೧೦. ತಥಸುತ್ತವಣ್ಣನಾ

೧೦೯೦. ಸಭಾವಾವಿಜಹನಟ್ಠೇನಾತಿ ಅತ್ತನೋ ದುಕ್ಖಸಭಾವಸ್ಸ ಕದಾಚಿಪಿ ಅಪರಿಚ್ಚಜನೇನ ತಥಸಭಾವಂ. ತೇನಾಹ ‘‘ದುಕ್ಖಞ್ಹಿ ದುಕ್ಖಮೇವ ವುತ್ತ’’ನ್ತಿ. ಸಭಾವಸ್ಸಾತಿ ದುಕ್ಖಸಭಾವಸ್ಸ. ಅಮೋಘತಾಯಾತಿ ಅವಞ್ಝತಾಯ. ಅವಿತಥನ್ತಿ ನ ವಿತಥಂ. ತೇನಾಹ ‘‘ನ ಹಿ ದುಕ್ಖಂ ಅದುಕ್ಖಂ ನಾಮ ಹೋತೀ’’ತಿ. ಅಞ್ಞಭಾವಾನುಪಗಮೇನಾತಿ ಸಮುದಯಾದಿಸಭಾವಾನುಪಗಮನೇನ ಮುಸಾ ನ ಹೋತೀತಿ ಅಞ್ಞೋ ಅಞ್ಞಥಾ ನ ಹೋತೀತಿ ಅನಞ್ಞಥಂ. ತೇನಾಹ ‘‘ನ ಹೀ’’ತಿಆದಿ.

ಧಮ್ಮಚಕ್ಕಪ್ಪವತ್ತನವಗ್ಗವಣ್ಣನಾ ನಿಟ್ಠಿತಾ.