೩. ಕೋಟಿಗಾಮವಗ್ಗೋ

೧೦೯೧. ಅನನುಬೋಧಾತಿ ಪಟಿವೇಧಸ್ಸ ಅನುರೂಪಬೋಧಾಭಾವೇನ. ಅಪ್ಪಟಿವೇಧಾತಿ ಸಚ್ಚಾನಂ ಪಟಿಮುಖಂ ವೇಧಾಭಾವೇನ.

೧೦೯೨. ಫಲಸಮಾಧಿಫಲಪಞ್ಞಾನನ್ತಿ ಅಗ್ಗಫಲಸಮಾಧಿಅಗ್ಗಫಲಪಞ್ಞಾನಂ.

೧೦೯೭. ಅರಿಯಾನನ್ತಿ ಬುದ್ಧಾನಂ ಅರಿಯಾನಂ. ತೇನಾಹ ‘‘ನ ಹೀ’’ತಿಆದಿ.

೧೦೯೮. ಪಟಿವಿದ್ಧತ್ತಾ ದೇಸಿತತ್ತಾ ಚಾತಿ ಇಮಿನಾ ಪಟಿವೇಧಞಾಣೇನ ದೇಸನಾಞಾಣೇನ ಚ ಪರಿಗ್ಗಹಿತತ್ತಾ ಅರಿಯಸನ್ತಕಾನಿ ಹೋನ್ತಿ ಅರಿಯಸ್ಸ ಭಗವತೋ ಸನ್ತಕಭಾವತೋ.

೧೧೦೦. ಏಕಪ್ಪಟಿವೇಧೋತಿ ಏಕೇನೇವ ಞಾಣೇನ ಚತುನ್ನಂ ಅರಿಯಸಚ್ಚಾನಂ ಏಕಜ್ಝಂ ಪಟಿವೇಧೋ.

ಕೋಟಿಗಾಮವಗ್ಗವಣ್ಣನಾ ನಿಟ್ಠಿತಾ.