೫-೬. ಕಿಮತ್ಥಿಯಸುತ್ತಾದಿವಣ್ಣನಾ

೫-೬. ನಿಯಮತ್ಥೋತಿ ಅವಧಾರಣತ್ಥೋ. ತೇನ ನಿಯಮೇನ ಅವಧಾರಣೇನ – ಅಞ್ಞಂ ಮಗ್ಗಂ ಪಟಿಕ್ಖಿಪತಿ ಇತೋ ಅಞ್ಞಸ್ಸ ನಿಯ್ಯಾನಿಕಮಗ್ಗಸ್ಸ ಅಭಾವತೋ. ‘‘ದುಕ್ಖಸ್ಸ ಪರಿಞ್ಞತ್ಥ’’ನ್ತಿ ವುತ್ತತ್ತಾ ವಟ್ಟದುಕ್ಖಂ ಕಥಿತಂ. ಅರಿಯಮಗ್ಗೇ ಗಹಿತೇ ತಸ್ಸ ಪುಬ್ಬಭಾಗಮಗ್ಗೋ ವಿಪಸ್ಸನಾಯ ಗಹಿತೋ ಏವಾತಿ ‘‘ಮಿಸ್ಸಕಮಗ್ಗೋ ಕಥಿತೋ’’ತಿ ವುತ್ತಂ. ಉತ್ತಾನಮೇವ ಅಪುಬ್ಬಸ್ಸ ಅಭಾವಾ. ಅಯಂ ಪನ ವಿಸೇಸೋ ‘‘ರಾಗಕ್ಖಯೋ’’ತಿಆದೀಹಿ ಯದಿಪಿ ನಿಬ್ಬಾನಂ ವುತ್ತಂ. ತಥಾಪಿ ಅರಹತ್ತಂ ವಿಯ ಬ್ರಹ್ಮಚರಿಯಮ್ಪಿ. ತೇನ ನಿಬ್ಬಾನಂ ಏವ ವುಚ್ಚತಿ ‘‘ಇದಂ ಬ್ರಹ್ಮಚರಿಯಪರಿಯೋಸಾನ’’ನ್ತಿ.

ಕಿಮತ್ಥಿಯಸುತ್ತಾದಿವಣ್ಣನಾ ನಿಟ್ಠಿತಾ.