೭. ದುತಿಯಅಞ್ಞತರಭಿಕ್ಖುಸುತ್ತವಣ್ಣನಾ

೭. ರಾಗವಿನಯಾದಿಪದೇಹಿ ನಿಬ್ಬಾನಂ ವಾಪಿ ವುಚ್ಚೇಯ್ಯ ಅರಹತ್ತಂ ವಾಪಿ. ಯಸ್ಮಾ ಸೋ ಭಿಕ್ಖು ಉಭಯತ್ಥಪಿ ನಿವಿಟ್ಠಬುದ್ಧಿ, ತಸ್ಮಾ ಭಗವಾ ತಸ್ಸ ಅಜ್ಝಾಸಯವಸೇನ ‘‘ನಿಬ್ಬಾನಧಾತುಯಾ ಖೋ ಏತ’’ನ್ತಿಆದಿನಾ ನಿಬ್ಬಾನಧಾತುಂ ವಿಸ್ಸಜ್ಜೇತ್ವಾ ಪುನ ‘‘ಆಸವಾನಂ ಖಯೋ ತೇನ ವುಚ್ಚತೀ’’ತಿ ಆಹ. ಯಸ್ಮಾ ಅರಿಯಮಗ್ಗೋ ರಾಗಾದಿಕೇ ಸಮುಚ್ಛೇದವಸೇನ ವಿನೇತಿ, ಆಸವಞ್ಚ ಸಬ್ಬಸೋ ಖೇಪೇತಿ, ತೇನ ಚ ವುತ್ತಂ ನಿಬ್ಬಾನಂ ಅರಹತ್ತಞ್ಚ, ತಸ್ಮಾ ತದುಭಯಂ ‘‘ರಾಗವಿನಯೋತಿಆದಿ ನಾಮಮೇವಾ’’ತಿ ವುತ್ತಂ. ಅನುಸನ್ಧಿಕುಸಲತಾಯ ಪುಚ್ಛನ್ತೋ ಏತಂ ಅವೋಚಾತಿ ಇಮಿನಾ ‘‘ಪುಚ್ಛಾನುಸನ್ಧಿ ಇಧ ಲಬ್ಭತೀ’’ತಿ ದೀಪಿತಂ, ಅಜ್ಝಾಸಯಾನುಸನ್ಧಿಪಿ ಏತ್ಥ ಲಬ್ಭತೇವಾತಿ ದಟ್ಠಬ್ಬಂ.

ದುತಿಯಅಞ್ಞತರಭಿಕ್ಖುಸುತ್ತವಣ್ಣನಾ ನಿಟ್ಠಿತಾ.