೫-೮. ಪಠಮಆನನ್ದಸುತ್ತಾದಿವಣ್ಣನಾ

೨೬೩-೨೬೬. ಹೇಟ್ಠಾ ಕಥಿತನಯಾನೇವ, ವೇನೇಯ್ಯಜ್ಝಾಸಯತೋ ಪನ ತೇಸಂ ದೇಸನಾತಿ ದಟ್ಠಬ್ಬಂ. ಏತ್ಥಾತಿ ಏತೇಸು ಚತೂಸು ಸುತ್ತೇಸು. ಪುರಿಮಾನಿ ದ್ವೇ ‘‘ಪಠಮಂ ಝಾನಂ ಸಮಾಪನ್ನಸ್ಸ ವಾಚಾ ಪಟಿಪ್ಪಸ್ಸದ್ಧಾ ಹೋತೀ’’ತಿಆದಿನಾ ನಯೇನ ಯಾವ ಖೀಣಾಸವಸ್ಸ ಕಿಲೇಸಪಟಿಪ್ಪಸ್ಸದ್ಧಿ, ತಾವ ದೇಸನಾಯ ಪವತ್ತತ್ತಾ ‘‘ಪರಿಪುಣ್ಣಪಸ್ಸದ್ಧಿಕಾನೀ’’ತಿ ವುತ್ತಾನಿ. ತಾವ ಪರಿಪೂರಂ ಕತ್ವಾ ಅದೇಸಿತತ್ತಾ ‘‘ಪಚ್ಛಿಮಾನಿ ಉಪಡ್ಢಪಸ್ಸದ್ಧಿಕಾನಿ, ದೇಸನಾಯಾ’’ತಿಆದಿ ವುತ್ತಂ.

ಪಠಮಆನನ್ದಸುತ್ತಾದಿವಣ್ಣನಾ ನಿಟ್ಠಿತಾ.