೪. ಪಮಾದವಿಹಾರೀಸುತ್ತವಣ್ಣನಾ

೯೭. ನ ಪಿದಹಿತ್ವಾ ಚಕ್ಖುನ್ದ್ರಿಯಂ ನ ಪಿದಹಿತ್ವಾ ಸಞ್ಛಾದಿತ್ವಾ ಠಿತಸ್ಸ. ಬ್ಯಾಸಿಞ್ಚತೀತಿ ಕಿಲೇಸೇಹಿ ವಿಸೇಸೇನ ಆಸಿಞ್ಚತಿ. ಕಿಲೇಸತಿನ್ತನ್ತಿ ಕಿಲೇಸೇಹಿ ಅವಸ್ಸುತಂ. ದುಬ್ಬಲಪೀತಿ ತರುಣಾ ನ ಬಲಪ್ಪತ್ತಾ. ಬಲವಪೀತಿ ಉಬ್ಬೇಗಾ ಫರಣಪ್ಪತ್ತಾ ಚ ಪೀತಿ. ದರಥಪ್ಪಸ್ಸದ್ಧೀತಿ ಕಾಯಚಿತ್ತದರಥವೂಪಸಮಲಕ್ಖಣಾ ಪಸ್ಸದ್ಧಿ. ನ ಉಪ್ಪಜ್ಜನ್ತಿ ಪಚ್ಚಯಪರಮ್ಪರಾಯ ಅಸಿದ್ಧತ್ತಾ. ‘‘ಕಥಞ್ಚ, ಭಿಕ್ಖವೇ, ಪಮಾದವಿಹಾರೀ ಹೋತೀ’’ತಿಆದಿನಾ ಪುಗ್ಗಲಂ ಪುಚ್ಛಿತ್ವಾ ‘‘ಪಾಮೋಜ್ಜಂ ನ ಹೋತಿ, ಪಾಮೋಜ್ಜಂ ಜಾಯತೀ’’ತಿಆದಿನಾ ಚ, ಧಮ್ಮೇನ ‘‘ಪಮಾದವಿಹಾರೀ ಅಪ್ಪಮಾದವಿಹಾರೀ’’ತಿ ಚ ಪುಗ್ಗಲೋ ದಸ್ಸಿತೋ.

ಪಮಾದವಿಹಾರೀಸುತ್ತವಣ್ಣನಾ ನಿಟ್ಠಿತಾ.