೬. ಅಸ್ಸಜಿಸುತ್ತವಣ್ಣನಾ

೮೮. ಪಸ್ಸಮ್ಭಿತ್ವಾತಿ ನಿರೋಧೇತ್ವಾ. ನೋ ಚ ಸ್ವಾಹನ್ತಿ ನೋ ಚ ಸು ಅಹಂ. ಪರಿಹಾಯಿ ಕುಪ್ಪಧಮ್ಮತ್ತಾ. ಏತನ್ತಿ ಸಮಾಧಿಮತ್ತಸಾರಂ, ಸೀಲಮತ್ತೇ ಪನ ವತ್ತಬ್ಬಮೇವ ನತ್ಥಿ. ಕಥಂ ಹೋತೀತಿ ಕಥಂ ಅಭಿನನ್ದನಾ ಹೋತಿ. ದುಕ್ಖಂ ಪತ್ವಾತಿ ದುಕ್ಖುಪ್ಪತ್ತಿಹೇತು ಸುಖಂ ಪತ್ಥೇತಿ ‘‘ಏವಂ ಮೇ ದುಕ್ಖಪರಿಳಾಹೋ ನ ಭವಿಸ್ಸತೀ’’ತಿ. ಯದಗ್ಗೇನಾತಿ ಯೇನ ಭಾಗೇನ. ‘‘ದುಕ್ಖಂ ಪತ್ಥೇತಿಯೇವಾ’’ತಿ ವತ್ವಾ ತತ್ಥ ಕಾರಣಮಾಹ ‘‘ಸುಖವಿಪರಿಣಾಮೇನ ಹೀ’’ತಿಆದಿ. ಸುಖವಿಪರಿವತ್ತೇ ಸುಖವಿಪರಿಣಾಮದುಕ್ಖಂ, ತಸ್ಮಾ ಸುಖಂ ಅಭಿನನ್ದನ್ತೋ ಅತ್ಥತೋ ದುಕ್ಖಂ ಅಭಿನನ್ದತಿ ನಾಮ.

ಅಸ್ಸಜಿಸುತ್ತವಣ್ಣನಾ ನಿಟ್ಠಿತಾ.