೩. ಅನಿಚ್ಚಸುತ್ತವಣ್ಣನಾ

೪೫. ವಿರಾಗೋ ನಾಮ ಮಗ್ಗೋ, ವಿಮುತ್ತಿಫಲನ್ತಿ ಆಹ – ‘‘ಮಗ್ಗಕ್ಖಣೇ ವಿರಜ್ಜತಿ, ಫಲಕ್ಖಣೇ ವಿಮುಚ್ಚತೀ’’ತಿ. ಅಗ್ಗಹೇತ್ವಾತಿ ಏವಂ ನಿರುಜ್ಝಮಾನೇಹಿ ಆಸವೇಹಿ ‘‘ಅಹಂ ಮಮಾ’’ತಿ ಕಞ್ಚಿ ಧಮ್ಮಂ ಅನಾದಿಯಿತ್ವಾ. ‘‘ಚಿತ್ತಂ ವಿರತ್ತಂ, ವಿಮುತ್ತಂ ಹೋತೀ’’ತಿ ವುತ್ತತ್ತಾ ಫಲಂ ಗಯ್ಹತಿ, ‘‘ಖೀಣಾ ಜಾತೀ’’ತಿಆದಿನಾ ಪಚ್ಚವೇಕ್ಖಣಾತಿ ಆಹ ‘‘ಸಹ ಫಲೇನ ಪಚ್ಚವೇಕ್ಖಣದಸ್ಸನತ್ಥ’’ನ್ತಿ. ಉಪರಿ ಕತ್ತಬ್ಬಕಿಚ್ಚಾಭಾವೇನ ಠಿತಂ. ತೇನಾಹ ‘‘ವಿಮುತ್ತತ್ತಾ ಠಿತ’’ನ್ತಿ. ಯಂ ಪತ್ತಬ್ಬಂ, ತಂ ಅಗ್ಗಫಲಸ್ಸ ಪತ್ತಭಾವೇನ ಅಧಿಗತತ್ತಾ ಸನ್ತುಟ್ಠಂ ಪರಿತುಟ್ಠಂ.

ಅನಿಚ್ಚಸುತ್ತವಣ್ಣನಾ ನಿಟ್ಠಿತಾ.