೫-೯. ಬನ್ಧನಸುತ್ತಾದಿವಣ್ಣನಾ

೧೧೭-೧೨೧. ತೀರಂ ವುಚ್ಚತಿ ವಟ್ಟಂ ಓರಿಮತೀರನ್ತಿ ಕತ್ವಾ. ತೇನಾಹ ‘‘ಅಥಾಯಂ ಇತರಾ ಪಜಾ, ತೀರಮೇವಾನುಧಾವತೀ’’ತಿ (ಧ. ಪ. ೮೫). ಪಾರಂ ವುಚ್ಚತಿ ನಿಬ್ಬಾನಂ ಸಂಸಾರಸ್ಸ ಪಾರಿಮನ್ತಿ ಕತ್ವಾ. ಬದ್ಧೋತಿ ಅನುಸಯಪ್ಪಹಾನಸ್ಸ ಅಕತತ್ತಾ ಕಿಲೇಸಬನ್ಧನೇನ ಬದ್ಧೋ, ಸುಕ್ಕಪಕ್ಖೇಪಿ ದಿಟ್ಠಿಸಮನುಪಸ್ಸನಾಯ ರೂಪಾದಿಬನ್ಧನಸ್ಸ ಪಟಿಕ್ಖೇಪಮತ್ತಮೇವ ವುತ್ತಂ, ನ ವಿಮೋಕ್ಖನ್ತಿ ಅಧಿಪ್ಪಾಯೋ. ಇಮಸ್ಮಿಂ ಸುತ್ತೇ ವಟ್ಟದುಕ್ಖಂ ಕಥಿತನ್ತಿ ‘‘ತೀರದಸ್ಸೀ ಪಾರದಸ್ಸೀ, ಪರಿಮುತ್ತೋ ಸೋ ದುಕ್ಖಸ್ಮಾತಿ ವದಾಮೀ’’ತಿ ಆಗತತ್ತಾ ವಟ್ಟವಿವಟ್ಟಂ ಕಥಿಕನ್ತಿ ವತ್ತುಂ ಸಕ್ಕಾ.

ಛಟ್ಠಾದೀನಿ ಉತ್ತಾನತ್ಥಾನೇವ ಹೇಟ್ಠಾ ವುತ್ತನಯತ್ತಾ.

ಬನ್ಧನಸುತ್ತಾದಿವಣ್ಣನಾ ನಿಟ್ಠಿತಾ.