೭. ಗದ್ದುಲಬದ್ಧಸುತ್ತವಣ್ಣನಾ

೯೯. ಯಂ ಮಹಾಸಮುದ್ದೋತಿ ಏತ್ಥ ಯನ್ತಿ ಸಮಯಸ್ಸ ಪಚ್ಚಾಮಸನಂ. ಭುಮ್ಮತ್ಥೇ ಚೇತಂ ಪಚ್ಚತ್ತವಚನನ್ತಿ ಆಹ ‘‘ಯಸ್ಮಿಂ ಸಮಯೇ’’ತಿ. ಸೋ ಚ ಸಮಯೋ ಅಯನ್ತಿ ದಸ್ಸೇನ್ತೋ ‘‘ಪಞ್ಚಮೇ ಸೂರಿಯೇ ಉಟ್ಠಿತೇ’’ತಿ ಆಹ. ಪರಿಚ್ಛೇದಂ ನ ವದಾಮಿ ಪರಿಚ್ಛೇದಕಾರಿಕಾಯ ಅಗ್ಗಮಗ್ಗವಿಜ್ಜಾಯ ಅನಧಿಗತತ್ತಾ. ಸುನಖೋ ವಿಯ ವಟ್ಟನಿಸ್ಸಿತೋ ಬಾಲೋ ಅಸವಸಭಾವತೋ. ಗದ್ದುಲೋ ವಿಯ ದಿಟ್ಠಿಬನ್ಧೋ. ಸಕ್ಕಾಯೋ ತಸ್ಸ ಅಸವಸಭಾವತೋ. ಪುಥುಜ್ಜನಸ್ಸ ಸಕ್ಕಾಯಾನುಪರಿವತ್ತನನ್ತಿ ‘‘ಸನ್ತಾನೇ ಸತ್ತವೋಹಾರೋ’’ತಿ ತಂ ತತೋ ಅಞ್ಞಂ ಕತ್ವಾ ಭೇದೇನ ನಿದ್ದೇಸೋ.

ಗದ್ದುಲಬದ್ಧಸುತ್ತವಣ್ಣನಾ ನಿಟ್ಠಿತಾ.