೫. ಸತ್ತಿಸುತ್ತವಣ್ಣನಾ

೨೨೭. ಅಗ್ಗೇ ಪಹರಿತ್ವಾತಿ ತಿಣ್ಹಫಲಸತ್ತಿಯಾ ಅಗ್ಗೇ ಹತ್ಥೇನ ವಾ ಮುಟ್ಠಿನಾ ವಾ ಪಹಾರಂ ದತ್ವಾ. ಕಪ್ಪಾಸವಟ್ಟಿಂ ವಿಯಾತಿ ಪಹತಕಪ್ಪಾಸಪಿಣ್ಡಂ ವಿಯ. ನಿಯ್ಯಾಸವಟ್ಟಿಂ ವಿಯಾತಿ ಫಲಸಣ್ಠಾನಂ ನಿಯ್ಯಾಸಪಿಣ್ಡಂ ವಿಯ. ಏಕತೋ ಕತ್ವಾತಿ ಕಲಿಕಾದಿಭಾವೇನ ವೀಸತಿಂಸಪಿಣ್ಡಾನಿ ಏಕಜ್ಝಂ ಕತ್ವಾ. ಅಲ್ಲಿಯಾಪೇನ್ತೋ ಪಿಣ್ಡಂ ಕರೋನ್ತೋ. ಪಟಿಲೇಣೇತೀತಿ ಪಟಿಲೀನಯತಿ ನಾಮೇತಿ. ಅಲ್ಲಿಯಾಪೇನ್ತೋ ತೇ ದ್ವೇಪಿ ಧಾರಾ ಏಕತೋ ಸಮ್ಫುಸಾಪೇನ್ತೋ. ಪಟಿಕೋಟ್ಟೇತೀತಿ ಪಟಿಪಹರತಿ. ತತ್ಥ ಖಣ್ಡಂ ವಿಯ ನಿಯ್ಯಾಸೋ. ಕಪ್ಪಾಸವಟ್ಟನಕರಣೀಯನ್ತಿ ವಿಹತಸ್ಸ ಕಪ್ಪಾಸಸ್ಸ ಪಟಿಸಂಹರಣವಸೇನ ಬನ್ಧನದಣ್ಡಂ. ಪವತ್ತೇನ್ತೋತಿ ಕಪ್ಪಾಸಸ್ಸ ಸಂವೇಲ್ಲನವಸೇನ ಪವತ್ತೇನ್ತೋ.

ಸತ್ತಿಸುತ್ತವಣ್ಣನಾ ನಿಟ್ಠಿತಾ.