೧. ಚತುಧಾತುಸುತ್ತವಣ್ಣನಾ

೧೧೪. ಪತಿಟ್ಠಾಧಾತೂತಿ ಸಹಜಾತಾನಂ ಧಮ್ಮಾನಂ ಪತಿಟ್ಠಾಭೂತಾ ಧಾತು. ಆಬನ್ಧನಧಾತೂತಿ ನಹಾನಿಯಚುಣ್ಣಸ್ಸ ಉದಕಂ ವಿಯ ಸಹಜಾತಧಮ್ಮಾನಂ ಆಬನ್ಧನಭೂತಾ ಧಾತು. ಪರಿಪಾಚನಧಾತೂತಿ ಸೂರಿಯೋ ಫಲಾದೀನಂ ವಿಯ ಸಹಜಾತಧಮ್ಮಾನಂ ಪರಿಪಾಚನಭೂತಾ ಧಾತು. ವಿತ್ಥಮ್ಭನಧಾತೂತಿ ದುತಿಯೋ ವಿಯ ಸಹಜಾತಧಮ್ಮಾನಂ ವಿತ್ಥಮ್ಭನಭೂತಾ ಧಾತು. ಕೇಸಾದಯೋ ವೀಸತಿ ಕೋಟ್ಠಾಸಾ. ಆದಿ-ಸದ್ದೇನ ಪಿತ್ತಾದಯೋ ಸನ್ತಪ್ಪನಾದಯೋ ಉದ್ಧಙ್ಗಮಾ ವಾತಾದಯೋ ಗಹಿತಾ. ಏತಾತಿ ಧಾತುಯೋ.

ಚತುಧಾತುಸುತ್ತವಣ್ಣನಾ ನಿಟ್ಠಿತಾ.