೭. ದಸಙ್ಗಸುತ್ತವಣ್ಣನಾ

೧೧೩. ಮಿಚ್ಛತ್ತಸಮ್ಮತ್ತವಸೇನಾತಿ ಏತ್ಥ ಮಿಚ್ಛಾಭಾವೋ ಮಿಚ್ಛತ್ತಂ, ತಥಾ ಸಮ್ಮಾಭಾವೋ ಸಮ್ಮತ್ತಂ. ತಥಾ ತಥಾ ಪವತ್ತಾ ಅಕುಸಲಕ್ಖನ್ಧಾವ ಮಿಚ್ಛಾಸತಿ, ಏವಂ ಮಿಚ್ಛಾಞಾಣಮ್ಪಿ ದಟ್ಠಬ್ಬಂ. ನ ಹಿ ಞಾಣಸ್ಸ ಮಿಚ್ಛಾಭಾವೋ ನಾಮ ಅತ್ಥಿ. ತಸ್ಮಾ ಮಿಚ್ಛಾಞಾಣಿನೋತಿ ಮಿಚ್ಛಾಸಞ್ಞಾಣಾತಿ ಅತ್ಥೋ, ಅಯೋನಿಸೋ ಪವತ್ತಚಿತ್ತುಪ್ಪಾದಾತಿ ಅಧಿಪ್ಪಾಯೋ. ಮಿಚ್ಛಾಪಚ್ಚವೇಕ್ಖಣೇನಾತಿ ಮಿಚ್ಛಾದಿಟ್ಠಿಆದೀನಂ ಮಿಚ್ಛಾ ಅಯೋನಿಸೋ ಪಚ್ಚವೇಕ್ಖಣೇನ. ಕುಸಲವಿಮುತ್ತೀತಿ ಪಕತಿಪುರಿಸಸನ್ತರಜಾನನಂ, ಗುಣವಿಯುತ್ತಸ್ಸ ಅತ್ತನೋ ಸಕತ್ತನಿ ಅವಟ್ಠಾನನ್ತಿ ಏವಮಾದಿಂ ಅಕುಸಲಪವತ್ತಿಂ ‘‘ಕುಸಲವಿಮುತ್ತೀ’’ತಿ ಗಹೇತ್ವಾ ಠಿತಾ ಮಿಚ್ಛಾವಿಮುತ್ತಿಕಾ. ಸಮ್ಮಾಪಚ್ಚವೇಕ್ಖಣಾತಿ ಝಾನವಿಮೋಕ್ಖಾದೀಸು ಸಮ್ಮಾ ಅವಿಪರೀತಂ ಪವತ್ತಾ ಪಚ್ಚವೇಕ್ಖಣಾ.

ದಸಙ್ಗಸುತ್ತವಣ್ಣನಾ ನಿಟ್ಠಿತಾ.

ತತಿಯವಗ್ಗವಣ್ಣನಾ ನಿಟ್ಠಿತಾ.