೧. ಸತ್ಥುಸುತ್ತಾದಿವಣ್ಣನಾ

೭೩. ಅಯಂ ಸತ್ಥಾ ನಾಮಾತಿ ಅಯಂ ಅರಿಯಮಗ್ಗಸ್ಸ ಅತ್ಥಾಯ ಸಾಸತಿ ವಿಮುತ್ತಿಧಮ್ಮಂ ಅನುಸಾಸತೀತಿ ಸತ್ಥಾ ನಾಮ. ಅಧಿಸೀಲಾದಿವಸೇನ ತಿವಿಧಾಪಿ ಸಿಕ್ಖಾ. ಯೋಗೋತಿ ಭಾವನಾನುಯೋಗೋ. ಛನ್ದೋತಿ ನಿಯ್ಯಾನೇತಾ ಕತ್ತುಕಮ್ಯತಾಕುಸಲಚ್ಛನ್ದೋ. ಸಬ್ಬಂ ಭಾವನಾಯ ಪರಿಸ್ಸಯಂ ಸಹತಿ, ಸಬ್ಬಂ ವಾಸ್ಸ ಉಪಕಾರಾವಹಂ ಸಹತಿ ವಾಹೇತೀತಿ ಸಬ್ಬಸಹಂ. ಅಪ್ಪಟಿವಾನೀತಿ ನ ಪಟಿನಿವತ್ತತೀತಿ ಅಪ್ಪಟಿವಾನೀ. ಅನ್ತರಾಯ ಸಹನಂ ಮೋಹನಾಸನವೀರಿಯಂ ಆತಪ್ಪತಿ ಕಿಲೇಸೇತಿ ಆತಪ್ಪಂ. ವಿಧಿನಾ ಈರೇತಬ್ಬತ್ತಾ ಪವತ್ತೇತಬ್ಬತ್ತಾ ವೀರಿಯಂ. ಸತತಂ ಪವತ್ತಿಯಮಾನಭಾವನಾನುಯೋಗಕಮ್ಮಂ ಸಾತಚ್ಚನ್ತಿ ಆಹ ‘‘ಸತತಕಿರಿಯ’’ನ್ತಿ. ತಾದಿಸಮೇವಾತಿ ಯಾದಿಸೀ ಸತಿ ವುತ್ತಾ, ತಾದಿಸಮೇವ ಞಾಣಂ, ಜರಾಮರಣಾದಿವಸೇನ ಚತುಸಚ್ಚಪರಿಗ್ಗಾಹಕಂ ಞಾಣನ್ತಿ ಅತ್ಥೋ.

ಅನ್ತರಪೇಯ್ಯಾಲವಗ್ಗವಣ್ಣನಾ ನಿಟ್ಠಿತಾ.

ಸಾರತ್ಥಪ್ಪಕಾಸಿನಿಯಾ ಸಂಯುತ್ತನಿಕಾಯ-ಅಟ್ಠಕಥಾಯ

ನಿದಾನಸಂಯುತ್ತವಣ್ಣನಾಯ ಲೀನತ್ಥಪ್ಪಕಾಸನಾ ಸಮತ್ತಾ.