೪. ದುತಿಯಸಮಣಬ್ರಾಹ್ಮಣಸುತ್ತವಣ್ಣನಾ

೧೪. ಇಮೇ ಧಮ್ಮೇ ಕತಮೇ ಧಮ್ಮೇತಿ ಚ ಏತ್ಥ ಇತಿ-ಸದ್ದೋ ಆದಿಅತ್ಥೋ. ತೇನ ‘‘ಇಮೇಸಂ ಧಮ್ಮಾನಂ ಕತಮೇಸಂ ಧಮ್ಮಾನ’’ನ್ತಿ ಇಮೇಸಂ ಪದಾನಂ ಸಙ್ಗಹೋ. ಏತಾನಿ ಹಿ ಪದಾನಿ ಜರಾಮರಣಾದೀನಂ ಸಾಧಾರಣಭಾವೇನ ವುತ್ತಾನಿ ಇಮಿಸ್ಸಾ ದೇಸನಾಯ ಪಪಞ್ಚಭೂತಾನೀತಿ ಆಹ ‘‘ಏತ್ತಕಂ ಪಪಞ್ಚಂ ಕತ್ವಾ ಕಥಿತಂ, ದೇಸನಂ…ಪೇ… ಅಜ್ಝಾಸಯೇನಾ’’ತಿ. ಇಮಿನಾ ತಾನೇವ ಜರಾಮರಣಾದೀನಿ ಗಹೇತ್ವಾ ಪುಗ್ಗಲಜ್ಝಾಸಯವಸೇನ ಆದಿತೋ ‘‘ಇಮೇ ಧಮ್ಮೇ’’ತಿಆದಿನಾ ಸಬ್ಬಪದಸಾಧಾರಣತೋ ದೇಸನಾ ಆರದ್ಧಾ. ಯಥಾನುಲೋಮಸಾಸನಞ್ಹಿ ಸುತ್ತನ್ತದೇಸನಾ, ನ ಯಥಾಧಮ್ಮಸಾಸನನ್ತಿ.

ದುತಿಯಸಮಣಬ್ರಾಹ್ಮಣಸುತ್ತವಣ್ಣನಾ ನಿಟ್ಠಿತಾ.