೪. ಸಮ್ಬಹುಲಸುತ್ತವಣ್ಣನಾ

೨೨೪. ಸಮ್ಬಹುಲಾತಿ ಸುತ್ತನ್ತನಯೇನ ಸಮ್ಬಹುಲಾ. ಸುತ್ತನ್ತೇ ಸಜ್ಝಾಯಿಂಸೂತಿ ಸುತ್ತನ್ತಿಕಾ. ವಿನಯಂ ಧಾರೇನ್ತೀತಿ ವಿನಯಧರಾ. ಯುಞ್ಜನ್ತೀತಿ ವಾಸಧುರೇ ಯೋಗಂ ಕರೋನ್ತಿ. ಘಟೇನ್ತೀತಿ ತತ್ಥ ವಾಯಾಮಂ ಕರೋನ್ತಿ. ಕರೋನ್ತಾನಂಯೇವ ಅರುಣೋ ಉಗ್ಗಚ್ಛತೀತಿ ಸಮ್ಬನ್ಧೋ.

ಕೋಮೇತಿ ಕಿಂ ಇಮೇ? ತೇನಾಹ ‘‘ಕಹಂ ಇಮೇ’’ತಿ? ವಜ್ಜಿಭೂಮಿಂ ವಜ್ಜಿರಟ್ಠಂ ಗತಾತಿ ವಜ್ಜಿಭೂಮಿಯಾ. ತೇನಾಹ ‘‘ವಜ್ಜಿರಟ್ಠಾಭಿಮುಖಾ ಗತಾ’’ತಿ. ನತ್ಥಿ ಏತೇಸಂ ನಿಕೇಭಂ ನಿಬದ್ಧನಿವಾಸಟ್ಠಾನನ್ತಿ ಅನಿಕೇತಾ ತೇನಾಹ ‘‘ಅಗೇಹಾ’’ತಿ. ಉತು ಏವ ಸಪ್ಪಾಯಂ, ಉತುವಸೇನ ವಾ ಕಾಯಚಿತ್ತಾನಂ ಕಲ್ಲತ್ತಾ ಸಪ್ಪಾಯಂ. ಏಸ ನಯೋ ಸೇಸೇಸುಪಿ.

ಸಮ್ಬಹುಲಸುತ್ತವಣ್ಣನಾ ನಿಟ್ಠಿತಾ.