೧. ಸನಙ್ಕುಮಾರಸುತ್ತವಣ್ಣನಾ

೧೮೨. ಪೋರಾಣಕತ್ತಾತಿ ನಿಬ್ಬತ್ತಿತ್ವಾ ಚಿರಕಾಲತ್ತಾ. ಜಾತತ್ತಾ ಜನೋ, ತಂ ಇತೋ ಜನೇತೋ, ತಸ್ಮಿಂ. ಖತ್ತಿಯೋ ಸೇಟ್ಠೋ ಲೋಕಮರಿಯಾದಪರಿಪಾಲನಾದಿನಾ ಸಮ್ಮಾಪಟಿಪತ್ತಿಯಂ ಸತ್ತಾನಂ ನಿಯೋಜನೇನ ಬಹುಕಾರತ್ತಾ. ಸೋ ಹಿ ಪರೇ ತಥಾ ಪಟಿಪಾದೇನ್ತೋ ಸಯಮ್ಪಿ ತತ್ಥ ಪತಿಟ್ಠಿತೋಯೇವ ಹೋತೀತಿ ಸೇಟ್ಠೋ ವುತ್ತೋ. ಪಟಿಪಕ್ಖವಿಜ್ಝನಟ್ಠೇನ ಪುಬ್ಬೇನಿವಾಸಾದೀನಂ ವಿದಿತಕರಣಟ್ಠೇನ ವಿಜ್ಜಾತಿ. ಸದ್ಧಾಹಿರೋತ್ತಪ್ಪಬಾಹುಸಚ್ಚವೀರಿಯಸತಿಪಞ್ಞಾತಿ ಇಮೇ ಸತ್ತ ಸದ್ಧಮ್ಮಾ. ಚರನ್ತಿ ಅಗತಪುಬ್ಬಂ ದಿಸಂ ಏತೇಹೀತಿ ಚರಣಾನಿ, ಸೀಲಾದಯೋ ಪನ್ನರಸ ಧಮ್ಮಾ.

ಸನಙ್ಕುಮಾರಸುತ್ತವಣ್ಣನಾ ನಿಟ್ಠಿತಾ.