೩. ಸಕಲಿಕಸುತ್ತವಣ್ಣನಾ

೧೪೯. ಮನ್ದಭಾವೇನಾತಿ ಜಳಭಾವೇನ ಮೋಮೂಹಭಾವೇನಾತಿ ಮಹಾಮೂಳ್ಹತಾಯ. ಕಬ್ಬಕರಣೇನ ಮತ್ತೋತಿ ಕಬ್ಬಕಿರಿಯಾಪಸುತತಾದಿವಸೇನ ಮತ್ತೋ ಕಬ್ಬಂ ಕತ್ವಾ. ಕಿಮಿದಂ ಸೋಪ್ಪಸೇವಾತಿ ಇದಂ ತವ ಸೋಪ್ಪಂ ಕಿಮತ್ಥಂ, ಪುರಿಸೇನ ನಾಮ ಪುರಿಸತ್ತಕರೇನ ಭವಿತಬ್ಬಂ, ನ ಸೋಪ್ಪತಿಯೇವ. ಅತ್ಥಂ ಸಮಾಗನ್ತ್ವಾತಿ ಪರಮತ್ಥಂ ನಿಬ್ಬಾನಂ ಸಮ್ಮಾ ಆಗನ್ತ್ವಾ ಅಧಿಗನ್ತ್ವಾ. ಅಸಙ್ಗ…ಪೇ… ನತ್ಥಿ ಸಬ್ಬಸೋ ಸಿದ್ಧತ್ಥಭಾವತೋ. ಜಗ್ಗನ್ತೋತಿ ಜಾಗರನ್ತೋ ಪುರಿಸೋ ವಿಯ, ನ ಭಾಯಾಮಿ ಭಯಹೇತೂನಂ ಅಭಾವಾ. ನಾನುತಪನ್ತಿ ಸಬ್ಬತ್ಥ ಸಬ್ಬದಾಪಿ ವಿಸ್ಸಟ್ಠಭಾವತೋ, ಮಾಮನ್ತಿ ಮಮಂ. ಗಾಥಾಸುಖತ್ಥಞ್ಹಿ ದೀಘಂ ಕತ್ವಾ ವುತ್ತಂ. ಠಿತತ್ತಾತಿ ಉದ್ದೇಸಪರಿಪುಚ್ಛಾಯ ಪರಿಚ್ಛಿಜ್ಜತ್ತಾ. ಹಾನಿನ್ತಿ ಕಸ್ಸಚಿ ಜಾನಿಂ.

ಸಕಲಿಕಸುತ್ತವಣ್ಣನಾ ನಿಟ್ಠಿತಾ.