೮. ಉಪ್ಪಥಸುತ್ತವಣ್ಣನಾ

೫೮. ಅಮಗ್ಗೋತಿ ನ ಮಗ್ಗೋ ಅನುಪಾಯೋ. ರತ್ತಿನ್ದಿವಕ್ಖಯೋತಿ ತತ್ಥ ವಯಕ್ಖಣಸ್ಸ ಪಾಕಟಭಾವತೋ. ವುತ್ತಕ್ಖಣೋಪಿ ಹಿ ಸಯಂ ಖೀಯತೇವ. ಸೇಸಂ ಬಾಹಿರಮಲಂ ವತ್ಥಸರೀರಾದಿಭೂತಂ. ತಥಾ ಹಿ ‘‘ಭಸ್ಮಖಾರಾದೀಹಿ ಧೋವಿತ್ವಾ ಸಕ್ಕಾ ಸೋಧೇತು’’ನ್ತಿ ವುತ್ತಂ. ದುಟ್ಠೋತಿ ದೂಸಿತೋ ಸತ್ತಸನ್ತಾನೋ ನ ಸಕ್ಕಾ ಸುದ್ಧೋ ನಾಮ ಕಾತುಂ ಅಬ್ಭನ್ತರಮಲೀನಭಾವಾಪಾದನತೋ. ಇತ್ಥಿಯನ್ತಿ ಬ್ರಹ್ಮಚರಿಯಸ್ಸ ಅನ್ತರಾಯಕರಾಯಪಿ. ಪಜಾತಿ ಸತ್ತಕಾಯೋ ಸಜ್ಜತಿ ಸಙ್ಗಂ ಕರೋತಿ ಯಾಥಾವತೋ ಆದೀನವಂ ಅಪಸ್ಸನ್ತೋ. ಇನ್ದ್ರಿಯಸಂವರಾದಿ ಕಿಲೇಸಾನಂ ತಾಪನತೋ ತಪೋ, ತೇನಾಹ ‘‘ಸಬ್ಬಾಪೀ’’ತಿಆದಿ.

ಉಪ್ಪಥಸುತ್ತವಣ್ಣನಾ ನಿಟ್ಠಿತಾ.