೨೩೪. ಕಸ್ಸಪಗೋತ್ತಭಿಕ್ಖುವತ್ಥುಕಥಾ

೩೮೦. ಚಮ್ಪೇಯ್ಯಕ್ಖನ್ಧಕೇ ಗಗ್ಗರಾಯ ಪೋಕ್ಖರಣಿಯಾತಿ ಏತ್ಥ ಗಗ್ಗರಸದ್ದಸ್ಸ ನಾಮಸದ್ದಭಾವಂ ದಸ್ಸೇನ್ತೋ ಆಹ ‘‘ಗಗ್ಗರನಾಮಿಕಾಯ ಇತ್ಥಿಯಾ’’ತಿ. ಇಮಿನಾ ಗಗ್ಗರಸದ್ದೋ ಗಗ್ಗರಇತಿ ನಾಮಂ ಪವತ್ತಿನಿಮಿತ್ತಂ ಕತ್ವಾ ಇತ್ಥಿದಬ್ಬಂ ವದತೀತಿ ದಸ್ಸೇತಿ. ತನ್ತಿಪಟಿಬದ್ಧೋತಿ ತನ್ತಿಯಾ ಪಟಿಬದ್ಧೋ. ‘‘ಉಸ್ಸುಕ್ಕಮ್ಪಿ ಅಕಾಸಿ ಯಾಗುಯಾ’’ತಿಆದೀಸು ಏವಂ ವಿನಿಚ್ಛಯೋ ವೇದಿತಬ್ಬೋತಿ ಯೋಜನಾ. ತಸ್ಸ ಭಿಕ್ಖುನೋತಿ ಕಸ್ಸಪಗೋತ್ತನಾಮಕಸ್ಸ ತಸ್ಸ ಭಿಕ್ಖುನೋ. ತತ್ಥೇವಾತಿ ವಾಸಭಗಾಮೇಯೇವ.

೩೮೨. ಅಧಮ್ಮೇನ ವಗ್ಗಕಮ್ಮಂ ಕರೋನ್ತೀತಿಆದೀನಂ ನಾನಾಕರಣನ್ತಿ ಸಮ್ಬನ್ಧೋ.