೨೦೫. ರಾಜಗಹಸೇಟ್ಠಿವತ್ಥುಕಥಾ

೩೩೨. ಇರಿಯಾಪಥಸಮ್ಪರಿವತ್ತನೇನಾತಿ ಇರಿಯಾಪಥಸ್ಸ ಪುನಪ್ಪುನಂ ಪರಿವತ್ತನೇನ. ತೀಹಿ ಸತ್ತಾಹೇಹಿ ನಿಚ್ಚಲಸ್ಸ ನಿಪನ್ನಸ್ಸ ಅಸ್ಸ ಸೇಟ್ಠಿಸ್ಸ ಮತ್ಥಲುಙ್ಗನ್ತಿ ಯೋಜನಾ. ಅಪ್ಪೇವ ನಿಪಜ್ಜೇಯ್ಯಾತಿ ಯೋಜನಾ. ನನ್ತಿ ಸೇಟ್ಠಿಂ. ತೇನೇವಾತಿ ತೇನೇವ ಕಾರಣೇನ. ಸೀಸಂ ಛಾದೇತೀತಿ ಸೀಸಚ್ಛವೀತಿ ವುತ್ತೇ ಸೀಸಪಟಿಚ್ಛಾದನಚಮ್ಮನ್ತಿ ಆಹ ‘‘ಸೀಸಚಮ್ಮ’’ನ್ತಿ. ತಸ್ಸಾತಿ ಸೇಟ್ಠಿಸ್ಸ. ತೀಹಿ ಸತ್ತಾಹೇನಾತಿ ಏತ್ಥ ಪುಬ್ಬಪದೇನ ಪಚ್ಛಿಮಪದಂ ಗುಣಿತ್ವಾ ಗಹೇತಬ್ಬನ್ತಿ ಆಹ ‘‘ತೀಹಿ ಪಸ್ಸೇಹಿ ಏಕೇನೇಕೇನ ಸತ್ತಾಹೇನಾ’’ತಿ.

೩೩೩. ಜನಂ ನೀಹರಾಪೇತ್ವಾತಿ ಜನಂ ಅಪಕ್ಕಮಾಪೇತ್ವಾ.