೮೩. ಪಾತಿಮೋಕ್ಖುದ್ದೇಸಕಅಜ್ಝೇಸನಾದಿಕಥಾ

೧೫೫. ನವವಿಧಞ್ಚಾತಿ ದಿವಸವಸೇನ ತಿವಿಧಂ, ಕಾರಕವಸೇನ ತಿವಿಧಂ, ಕತ್ತಬ್ಬಾಕಾರವಸೇನ ತಿವಿಧಞ್ಚಾತಿ ನವಕೋಟ್ಠಾಸಞ್ಚ, ನವಪಕಾರಞ್ಚ ವಾ. ಚತುಬ್ಬಿಧನ್ತಿ ‘‘ಅಧಮ್ಮೇನ ವಗ್ಗ’’ನ್ತಿಆದಿಕಂ ಚತುಬ್ಬಿಧಂ. ದುವಿಧನ್ತಿ ಭಿಕ್ಖುಭಿಕ್ಖುನೀವಸೇನ ದುವಿಧಂ. ನವವಿಧನ್ತಿ ಭಿಕ್ಖುಪಾತಿಮೋಕ್ಖೇ ಪಞ್ಚವಿಧಂ, ಭಿಕ್ಖುನಿಪಾತಿಮೋಕ್ಖೇ ಚತುಬ್ಬಿಧನ್ತಿ ನವವಿಧಂ. ಏತ್ಥಾತಿ ‘‘ಯೋ ತತ್ಥ ಭಿಕ್ಖು ಬ್ಯತ್ತೋ ಪಟಿಬಲೋ’’ತಿ ಪಾಠೇ. ಸುವಿಸದಾತಿ ಸುಟ್ಠು ಬ್ಯತ್ತಾ, ಸುದ್ಧಾ ವಾ. ಏತ್ತಕಮ್ಪೀತಿ ಪಿಸದ್ದೋ ಗರಹಾಯಂ, ಅಧಿಕೇ ಕಾ ನಾಮ ಕಥಾತಿ ದಸ್ಸೇತಿ.

ಸಾಮನ್ತಾ ಆವಾಸಾತಿ ಏತ್ಥ ಉಪಯೋಗತ್ಥೇ ನಿಸ್ಸಕ್ಕವಚನನ್ತಿ ಆಹ ‘‘ಸಾಮನ್ತಂ ಆವಾಸ’’ನ್ತಿ. ಯೋ ಸಕ್ಕೋತೀತಿ ಬಹೂಸು ನವೇಸು ಯೋ ಸಕ್ಕೋತಿ.