೪೦. ನಿಸ್ಸಯಮುಚ್ಚನಕಕಥಾ

೧೦೩. ಓಗಣೇನಾತಿ ಏತ್ಥ ಓತ್ಯೂಪಸಗ್ಗೋ ಲಾಮಕತ್ಥವಾಚಕೋತಿ ಆಹ ‘‘ಪರಿಹೀನಗಣೇನಾ’’ತಿ. ಅತ್ತನೋ ವುಡ್ಢತರಸ್ಸೇವ ಭಿಕ್ಖುಸ್ಸ ಸನ್ತಿಕೇ ನಿಸ್ಸಯೋ ಗಹೇತಬ್ಬೋತಿ ಆಹ ‘‘ಸಚಾಯಂ ವುಡ್ಢತರ’’ನ್ತಿಆದಿ. ತತ್ಥ ಅಯನ್ತಿ ಅಬ್ಯತ್ತೋ ಭಿಕ್ಖು. ಉಪಸಮ್ಪದಾಯಾತಿ ಉಪಸಮ್ಪಾದೇತ್ವಾ. ಆಯಸ್ಮತೋತಿ ಆಯಸ್ಮನ್ತಂ, ಉಪಯೋಗತ್ಥೇ ಚೇತಂ ಸಾಮಿವಚನಂ. ಆಯಸ್ಮತೋ ವಾ ಓವಾದನ್ತಿ ಯೋಜನಾ. ಸಬ್ಬತ್ಥಾತಿ ಸಬ್ಬೇಸು. ಆಪುಚ್ಛನೇಸೂತಿ ದಿಸಾಪಕ್ಕಮನಾದಿಅತ್ಥಾಯ ಆಪುಚ್ಛನೇಸು. ಏತ್ಥಾತಿ ಇಮಸ್ಮಿಂ ನಿಸ್ಸಯವಸನಟ್ಠಾನೇ. ತನ್ತಿ ತತ್ತಕಂ ಸುತಂ. ತಸ್ಸಾತಿ ಸುತಸ್ಸ.