೨೪. ಉಪಸಮ್ಪಾದೇತಬ್ಬಛಕ್ಕಕಥಾ

೮೫. ತನ್ತಿ ಊನದಸವಸ್ಸಪದಂ. ಸಬ್ಬತ್ಥಾತಿ ಸಬ್ಬೇಸು ಛಕ್ಕೇಸು. ತತ್ಥಾತಿ ಛಕ್ಕೇಸು. ‘‘ಪಾತಿಮೋಕ್ಖಾನಿ ವಿತ್ಥಾರೇನಾ’’ತಿ ವುತ್ತತ್ತಾ ವಿಭಙ್ಗವಸೇನ ಗಹೇತಬ್ಬಾನೀತಿ ಆಹ ‘‘ಉಭತೋವಿಭಙ್ಗವಸೇನ ವುತ್ತಾನೀ’’ತಿ. ಮಾತಿಕಾವಿಭಙ್ಗವಸೇನ ಸುಟ್ಠು ವಿಭಜಿತಬ್ಬಾನೀತಿ ಸುವಿಭತ್ತಾನಿ, ವಾಚುಗ್ಗತವಸೇನ ಸುನ್ದರಾ ಪವತ್ತಿ ಏತೇಸನ್ತಿ ಸುಪ್ಪವತ್ತೀನಿ, ಸುತ್ತತೋ ಅನುಬ್ಯಞ್ಜನತೋ ಸುಟ್ಠು ವಿನಿಚ್ಛಿತಬ್ಬಾನೀತಿ ಸುವಿನಿಚ್ಛಿತಬ್ಬಾನೀತಿ ಅತ್ಥಂ ದಸ್ಸೇನ್ತೋ ಆಹ ‘‘ಮಾತಿಕಾವಿಭಙ್ಗವಸೇನಾ’’ತಿಆದಿ.