೧೨. ದ್ವಾದಸಮನಿಸ್ಸಗ್ಗಿಯಪಾಚಿತ್ತಿಯಸಿಕ್ಖಾಪದಂ

೭೮೯. ದ್ವಾದಸಮೇ ಲಹುಪಾವುರಣಂ ನಾಮ ಉಣ್ಹಕಾಲೇ ಪಾವುರಣವತ್ಥನ್ತಿ ದಸ್ಸೇನ್ತೋ ಆಹ ‘‘ಉಣ್ಹಕಾಲೇ ಪಾವುರಣ’’ನ್ತಿ. ಉಣ್ಹಕಾಲೇ ಹಿ ಮನುಸ್ಸಾ ಸುಖುಮಪಾವುರಣಂ ಪಾರುಪನ್ತೀತಿ. ದ್ವಾದಸಮಂ.

ನಿಸ್ಸಗ್ಗಿಯಾನಂ ತಿಂಸಭಾವಂ ದಸ್ಸೇನ್ತೋ ಆಹ ‘‘ಮಹಾವಿಭಙ್ಗೇ’’ತಿಆದಿ. ಚೀವರವಗ್ಗತೋ ಅಪನೇತ್ವಾತಿ ಸಮ್ಬನ್ಧೋ. ಅಞ್ಞದತ್ಥಿಕಾನೀತಿ ಅಞ್ಞದತ್ಥಿಕಪದೇನ ವುತ್ತಾನಿ ಸಿಕ್ಖಾಪದಾನಿ. ಇತೀತಿ ಏವಂ. ಏಕತೋಪಞ್ಞತ್ತಾನೀತಿ ಏಕಸ್ಸೇವ ಪಞ್ಞತ್ತಾನಿ, ಉಭತೋಪಞ್ಞತ್ತಾನೀತಿ ಉಭಯೇಸಂ ಪಞ್ಞತ್ತಾನಿ. ಏತ್ಥಾತಿ ‘‘ಉದ್ದಿಟ್ಠಾ ಖೋ’’ತಿಆದಿವಚನೇತಿ.

ಇತಿ ಸಮನ್ತಪಾಸಾದಿಕಾಯ ವಿನಯಸಂವಣ್ಣನಾಯ

ಭಿಕ್ಖುನಿವಿಭಙ್ಗೇ

ತಿಂಸಕವಣ್ಣನಾಯ ಯೋಜನಾ ಸಮತ್ತಾ.