೩. ವಿಕಾಲಗಾಮಪ್ಪವಿಸನಸಿಕ್ಖಾಪದಂ

೫೦೮. ತತಿಯೇ ‘‘ತಿರಚ್ಛಾನಭೂತಂ ಕಥ’’ನ್ತಿ ಇಮಿನಾ ‘‘ತಿರಚ್ಛಾನಕಥ’’ನ್ತಿ ಪದಸ್ಸ ತುಲ್ಯನಿಸ್ಸಿತಸಮಾಸಂ ದಸ್ಸೇತಿ. ರಾಜಪಟಿಸಂಯುತ್ತನ್ತಿ ರಾಜೂಹಿ ಪಟಿಸಂಯುತ್ತಂ.

೫೧೨. ಸಮ್ಬಹುಲಾ ಭಿಕ್ಖೂತಿ ಸಮ್ಬನ್ಧೋ. ತಸ್ಮಿಂ ಗಾಮೇತಿ ತಸ್ಮಿಂ ಪಠಮಪವಿಸನಗಾಮೇ. ತಂ ಕಮ್ಮನ್ತಿ ತಂ ಇಚ್ಛಿತಕಮ್ಮಂ. ಅನ್ತರಾತಿ ಗಾಮವಿಹಾರಾನಮನ್ತರೇ. ಭುಮ್ಮತ್ಥೇ ಚೇತಂ ನಿಸ್ಸಕ್ಕವಚನಂ.

ಕುಲಘರೇ ವಾತಿ ಞಾತಿಕುಲಉಪಟ್ಠಾಕಕುಲಘರೇ ವಾ. ತೇಲಭಿಕ್ಖಾಯ ವಾತಿ ತೇಲಯಾಚನತ್ಥಾಯ ವಾ. ಪಸ್ಸೇತಿ ಅತ್ತನೋ ಪಸ್ಸೇ ಸಮೀಪೇತಿ ವುತ್ತಂ ಹೋತಿ. ತೇನಾತಿ ಗಾಮಮಜ್ಝಮಗ್ಗೇನ. ಅನೋಕ್ಕಮ್ಮಾತಿ ಅನೋಕ್ಕಮಿತ್ವಾ, ಅಪಕ್ಕಮಿತ್ವಾತಿ ಅತ್ಥೋತಿ. ತತಿಯಂ.