೧೮. ನಗ್ಗನಿದ್ದೇಸವಣ್ಣನಾ

೧೬೬. ‘‘ವಜೇ’’ತಿಆದೀಸು ನ-ಸದ್ದೋ ಸಮ್ಬನ್ಧಿತಬ್ಬೋ. ತತ್ಥ ಪನ ಯಥಾನುರೂಪಭೋಜನಾದಿಕಂ ಕಮ್ಮವಚನಂ ಅಜ್ಝಾಹರಿತ್ವಾ ‘‘ಭೋಜನಂ ನ ಭುಞ್ಜೇ’’ತಿಆದಿನಾ ಅತ್ಥೋ ವೇದಿತಬ್ಬೋ.

೧೬೭. ನ ಕರೇತಿ ಹತ್ಥಕಮ್ಮಾದಿಕಂ ಪರಿಕಮ್ಮಂ ಸಯಮ್ಪಿ ನ ಕರೇಯ್ಯಾತಿ ಅತ್ಥೋ. ಪಟಿಚ್ಛಾದೀಸೂತಿ ನಿದ್ಧಾರಣೇ ಭುಮ್ಮಂ, ಜನ್ತಾಘರುದಕವತ್ಥಪ್ಪಟಿಚ್ಛಾದೀನಂ ಮಜ್ಝೇತಿ ಅತ್ಥೋ. ಪರಿಕಮ್ಮೇ ದುವೇ ಕಪ್ಪಿಯಾತಿ ಸಮ್ಬನ್ಧೋ. ಪರಿಕಮ್ಮೇತಿ ಜನ್ತಾಘರೇ ಉದಕೇಪಿ ಉಪಜ್ಝಾಯಾದೀನಂ ಕತ್ತಬ್ಬಪರಿಕಮ್ಮವಿಸಯೇ, ನ ಅಭಿವಾದನಾದೀಸು. ದುವೇತಿ ಜನ್ತಾಘರಉದಕಪ್ಪಟಿಚ್ಛಾದಯೋ. ಛಾದೇನ್ತಿ ಏತಾಯಾತಿ ಛಾದಿ, ವತ್ಥಸ್ಸ ಛಾದಿ ವತ್ಥಚ್ಛಾದಿ. ಸಬ್ಬತ್ಥಾತಿ ಸಬ್ಬಕಮ್ಮೇಸೂತಿ.

ನಗ್ಗನಿದ್ದೇಸವಣ್ಣನಾ ನಿಟ್ಠಿತಾ.