೧೭. ಆಪುಚ್ಛಕರಣನಿದ್ದೇಸವಣ್ಣನಾ

೧೬೧. ಥೇರೇನಾತಿ ಸಙ್ಘತ್ಥೇರೇನ.

೧೬೨. ತತ್ಥ ತತ್ಥ ಸನ್ನಿಪತಿತಾನಂ ಸಬ್ಬೇಸಂ ವುಡ್ಢೋ ವುಡ್ಢತರೋ, ತಸ್ಮಿಂ ವುಡ್ಢತರಾಗಮೇ ಪುನ ಆಪುಚ್ಛನಂ ನತ್ಥಿ. ಭತ್ತಗ್ಗೇ ಚಾನುಮೋದತೋತಿ ಏತ್ಥ ದಾನಪತಿನಾ ಯಾಚಿತೇನ ದಹರೇನ ವುಡ್ಢೇನ ಅನಾಪುಚ್ಛಿತ್ವಾ ಕಥೇತುಂ ವಟ್ಟತೀತಿ ವದನ್ತಿ.

೧೬೩. ಏಕವಿಹಾರಕೇತಿ ಏಕೋವರಕೇ ವುಡ್ಢೇನ ವಸನ್ತೋ ಅನಾಪುಚ್ಛಾ ನ ಸಜ್ಝಾಯೇಯ್ಯಾತಿ ಅತ್ಥೋ. ಉದ್ದೇಸಂ ಪರಿಪುಚ್ಛಞ್ಚ ನೋ ದದೇತಿ ಉದ್ದೇಸಂ ವಾ ಪರಿಪುಚ್ಛಂ ವಾ ನೋ ದದೇಯ್ಯ.

೧೬೪. ನ ವಿವರೇಯ್ಯ ನ ಥಕೇಯ್ಯ ಚಾತಿ ಸಮ್ಬನ್ಧೋ. ದ್ವಾರಂ ನಾಮ ಮಹಾವಳಞ್ಜಂ, ತತ್ಥ ಆಪುಚ್ಛನಕಿಚ್ಚಂ ನತ್ಥಿ.

೧೬೫. ವುಡ್ಢೇನ ಚಙ್ಕಮೇ ಚಙ್ಕಮನ್ತೋಪಿ ಯೇನ ವುಡ್ಢೋ, ತೇನ ಪರಿವತ್ತಯೇತಿ ಸಮ್ಬನ್ಧೋ. ಆಪುಚ್ಛಕರಣವಿನಿಚ್ಛಯೋ.

ಆಪುಚ್ಛಕರಣನಿದ್ದೇಸವಣ್ಣನಾ ನಿಟ್ಠಿತಾ.