೪. ಚತುತ್ಥಪಾಟಿದೇಸನೀಯಸಿಕ್ಖಾಪದವಣ್ಣನಾ

ಆರಾಮೇ ವಾ ಆರಾಮೂಪಚಾರೇ ವಾ ಪಟಿಗ್ಗಹೇತ್ವಾ ಅಜ್ಝೋಹರನ್ತಸ್ಸಾತಿ ಆರಾಮೇ ವಾ ಆರಾಮೂಪಚಾರೇ ವಾ ಪಟಿಗ್ಗಹೇತ್ವಾ ಆರಾಮೇ ವಾ ಆರಾಮೂಪಚಾರೇ ವಾ ಅಜ್ಝೋಹರನ್ತಸ್ಸಾತಿ ಅತ್ಥೋ.

ಬಹಾರಾಮೇ ಪಟಿಗ್ಗಹಿತಂ ಅಜ್ಝಾರಾಮೇ ಭುಞ್ಜನ್ತಸ್ಸ ಅನಾಪತ್ತಿ. ಅಙ್ಗೇಸು ಚ ‘‘ಅಜ್ಝಾರಾಮೇ ವಾ ಆರಾಮೂಪಚಾರೇ ವಾ ಪಟಿಗ್ಗಹಣ’’ನ್ತಿ ಗಹೇತಬ್ಬಂ. ಅಜ್ಝಾರಾಮೇ ಹಿ ದಸ್ಸಿತೇ ಆರಾಮೂಪಚಾರಂ ದಸ್ಸಿತಮೇವಾತಿ. ‘‘ಸಮುಟ್ಠಾನಾದೀನಿ ಕಥಿನಸದಿಸಾನಿ, ಇದಂ ಪನ ಕಿರಿಯಾಕಿರಿಯ’’ನ್ತಿ ಪಾಠೋ.

ಚತುತ್ಥಪಾಟಿದೇಸನೀಯಸಿಕ್ಖಾಪದವಣ್ಣನಾ ನಿಟ್ಠಿತಾ.

ಪಾಟಿದೇಸನೀಯವಣ್ಣನಾ ನಿಟ್ಠಿತಾ.