ಪಾಟಿದೇಸನೀಯಕಣ್ಡಂ

೧. ಪಠಮಪಾಟಿದೇಸನೀಯಸಿಕ್ಖಾಪದವಣ್ಣನಾ

ಯಾಮಕಾಲಿಕಾದೀಸು ಆಹಾರತ್ಥಾಯ ಏವ ದುಕ್ಕಟಂ. ತಮ್ಪಿ ಆಮಿಸೇನ ಅಸಮ್ಭಿನ್ನರಸೇ, ಸಮ್ಭಿನ್ನೇ ಪನ ಏಕರಸೇ ಪಾಟಿದೇಸನೀಯಮೇವ.

ಪಠಮಪಾಟಿದೇಸನೀಯಸಿಕ್ಖಾಪದವಣ್ಣನಾ ನಿಟ್ಠಿತಾ.

೨. ದುತಿಯಪಾಟಿದೇಸನೀಯಸಿಕ್ಖಾಪದವಣ್ಣನಾ

‘‘ಸಮುಟ್ಠಾನಾದೀನಿ ಕಥಿನಸದಿಸಾನಿ, ಇದಂ ಪನ ಕಿರಿಯಾಕಿರಿಯ’’ನ್ತಿ ಪಾಠೋ.

ದುತಿಯಪಾಟಿದೇಸನೀಯಸಿಕ್ಖಾಪದವಣ್ಣನಾ ನಿಟ್ಠಿತಾ.

೪. ಚತುತ್ಥಪಾಟಿದೇಸನೀಯಸಿಕ್ಖಾಪದವಣ್ಣನಾ

ಆರಾಮೇ ವಾ ಆರಾಮೂಪಚಾರೇ ವಾ ಪಟಿಗ್ಗಹೇತ್ವಾ ಅಜ್ಝೋಹರನ್ತಸ್ಸಾತಿ ಆರಾಮೇ ವಾ ಆರಾಮೂಪಚಾರೇ ವಾ ಪಟಿಗ್ಗಹೇತ್ವಾ ಆರಾಮೇ ವಾ ಆರಾಮೂಪಚಾರೇ ವಾ ಅಜ್ಝೋಹರನ್ತಸ್ಸಾತಿ ಅತ್ಥೋ.

ಬಹಾರಾಮೇ ಪಟಿಗ್ಗಹಿತಂ ಅಜ್ಝಾರಾಮೇ ಭುಞ್ಜನ್ತಸ್ಸ ಅನಾಪತ್ತಿ. ಅಙ್ಗೇಸು ಚ ‘‘ಅಜ್ಝಾರಾಮೇ ವಾ ಆರಾಮೂಪಚಾರೇ ವಾ ಪಟಿಗ್ಗಹಣ’’ನ್ತಿ ಗಹೇತಬ್ಬಂ. ಅಜ್ಝಾರಾಮೇ ಹಿ ದಸ್ಸಿತೇ ಆರಾಮೂಪಚಾರಂ ದಸ್ಸಿತಮೇವಾತಿ. ‘‘ಸಮುಟ್ಠಾನಾದೀನಿ ಕಥಿನಸದಿಸಾನಿ, ಇದಂ ಪನ ಕಿರಿಯಾಕಿರಿಯ’’ನ್ತಿ ಪಾಠೋ.

ಚತುತ್ಥಪಾಟಿದೇಸನೀಯಸಿಕ್ಖಾಪದವಣ್ಣನಾ ನಿಟ್ಠಿತಾ.

ಪಾಟಿದೇಸನೀಯವಣ್ಣನಾ ನಿಟ್ಠಿತಾ.