೨. ಸಪ್ಪಾಣಕಸಿಕ್ಖಾಪದವಣ್ಣನಾ

ಸಪ್ಪಾಣಕನ್ತಿ ಪಾಣಕಾನಂ ಮರಣವಸೇನ ಪಾಚಿತ್ತಿಯಂ, ನ ಸಪ್ಪಾಣಕಉದಕಪರಿಭೋಗವಸೇನ ಪಾಚಿತ್ತಿಯಂ, ತಸ್ಮಾ ಏವ ‘‘ಪಣ್ಣತ್ತಿವಜ್ಜ’’ನ್ತಿ ವುತ್ತಂ. ಅಸುದ್ಧಚಿತ್ತತ್ತಾ ಪಾಚಿತ್ತಿಯಂ, ಸುದ್ಧಚಿತ್ತೇ ಅನಾಪತ್ತಿ. ಪದೀಪುಜ್ಜಲನೇ ವಿಯ ಪಣ್ಣತ್ತಿವಜ್ಜತಾ ವುತ್ತಾತಿ ಲಿಖಿತಂ.

ಜಲೇ ಪಕ್ಖಿಪನಂ ಪುಬ್ಬಂ, ಜಲಪ್ಪವೇಸನಂ ಇದಂ;

ಏವಂ ಉಭಿನ್ನಂ ನಾನಾತ್ತಂ, ಞೇಯ್ಯಂ ಞಾಣವತಾ ಸದಾತಿ. (ವಜಿರ. ಟೀ. ಪಾಚಿತ್ತಿಯ ೩೮೭)

ಸಪ್ಪಾಣಕಸಿಕ್ಖಾಪದವಣ್ಣನಾ ನಿಟ್ಠಿತಾ.