೧-೨. ಛತ್ತುಪಾಹನಾದಿಸಿಕ್ಖಾಪದವಣ್ಣನಾ

ವುತ್ತಲಕ್ಖಣಂ ಛತ್ತನ್ತಿ ‘‘ಛತ್ತಂ ನಾಮ ತೀಣಿ ಛತ್ತಾನಿ – ಸೇತಚ್ಛತ್ತಂ, ಕಿಲಞ್ಜಚ್ಛತ್ತಂ, ಪಣ್ಣಚ್ಛತ್ತಂ ಮಣ್ಡಲಬದ್ಧಂ, ಸಲಾಕಬದ್ಧ’’ನ್ತಿ (ಪಾಚಿ. ೧೧೮೧) ಏವಂ ಪದಭಾಜನೇ ವುತ್ತಲಕ್ಖಣಂ ಛತ್ತಂ. ತಾದಿಸಂ ಠಾನಂ ಪತ್ವಾತಿ ಗಚ್ಛಕದ್ದಮಾದೀಸು ತಂ ತಂ ಠಾನಂ ಪತ್ವಾ.

ಛತ್ತಸ್ಸೇವಾತಿ ಕದ್ದಮಾದೀನಿ ಪತ್ವಾ ಉಪಾಹನಾ ಓಮುಞ್ಚಿತ್ವಾ ಛತ್ತಸ್ಸೇವ ಧಾರಣಂ. ಉಪಾಹನಾನಂಯೇವ ವಾತಿ ಗಚ್ಛಾದೀನಿ ದಿಸ್ವಾ ಛತ್ತಂ ಅಪನಾಮೇತ್ವಾ ಉಪಾಹನಾನಂಯೇವ ಧಾರಣಂ.

ದುತಿಯಂ ಉತ್ತಾನತ್ಥಮೇವ.

ಛತ್ತುಪಾಹನಾದಿಸಿಕ್ಖಾಪದವಣ್ಣನಾ ನಿಟ್ಠಿತಾ.