೨. ಚೀವರವಗ್ಗೋ

೧೧. ಗರುಪಾವುರಣಸಿಕ್ಖಾಪದವಣ್ಣನಾ

ಯಸ್ಮಾ ಪವಾರಿತಟ್ಠಾನೇ ವಿಞ್ಞತ್ತಿ ನಾಮ ನ ಪಟಿಸೇಧೇತಬ್ಬಾ, ತಸ್ಮಾ ಭಗವಾ ಧಮ್ಮನಿಮನ್ತನವಸೇನ ಪವಾರಿತಟ್ಠಾನೇ ‘‘ವದೇಥಾಯ್ಯೇ, ಯೇನತ್ಥೋ’’ತಿ (ಸಾರತ್ಥ. ಟೀ. ಪಾಚಿತ್ತಿಯ ೩.೭೮೪) ವುತ್ತಾಯ ಚತುಕ್ಕಂಸಪರಮಂ ವಿಞ್ಞಾಪೇತಬ್ಬನ್ತಿ ಪರಿಚ್ಛೇದಂ ದಸ್ಸೇತೀತಿ ವೇದಿತಬ್ಬಂ. ತೇನೇವ ‘‘ಚೇತಾಪೇತಬ್ಬನ್ತಿ ಠಪೇತ್ವಾ ಸಹಧಮ್ಮಿಕೇ ಚ ಞಾತಕಪ್ಪವಾರಿತೇ ಚ ಅಞ್ಞೇನ ಕಿಸ್ಮಿಞ್ಚಿದೇವ ಗುಣೇ ಪರಿತುಟ್ಠೇನ ‘ವದೇಥಾಯ್ಯೇ, ಯೇನತ್ಥೋ’ತಿ ವುತ್ತಾಯ ವಿಞ್ಞಾಪೇತಬ್ಬ’’ನ್ತಿ ವುತ್ತಂ. ರಾಜಾನನ್ತಿ ಪಸೇನದಿಕೋಸಲರಾಜಾನಂ.

ಗರುಪಾವುರಣಸಿಕ್ಖಾಪದವಣ್ಣನಾ ನಿಟ್ಠಿತಾ.

೧೨. ಲಹುಪಾವುರಣಸಿಕ್ಖಾಪದವಣ್ಣನಾ

ದುತಿಯಂ ಉತ್ತಾನತ್ಥಮೇವ.

ಲಹುಪಾವುರಣಸಿಕ್ಖಾಪದವಣ್ಣನಾ ನಿಟ್ಠಿತಾ.

ಚೀವರವಗ್ಗೋ ದುತಿಯೋ.

ಇತಿ ಕಙ್ಖಾವಿತರಣಿಯಾ ಪಾತಿಮೋಕ್ಖವಣ್ಣನಾಯ

ವಿನಯತ್ಥಮಞ್ಜೂಸಾಯಂ ಲೀನತ್ಥಪ್ಪಕಾಸನಿಯಂ

ಭಿಕ್ಖುನಿಪಾತಿಮೋಕ್ಖೇ ನಿಸ್ಸಗ್ಗಿಯವಣ್ಣನಾ ನಿಟ್ಠಿತಾ.