೬. ಪಠಮಸಙ್ಘಿಕಚೇತಾಪನಸಿಕ್ಖಾಪದವಣ್ಣನಾ

ಅಞ್ಞಸ್ಸತ್ಥಾಯ ದಿನ್ನೇನಾತಿ ಯಂ ಚೇತಾಪೇತಿ, ತತೋ ಅಞ್ಞಸ್ಸತ್ಥಾಯ ದಿನ್ನೇನ. ಅಞ್ಞುದ್ದಿಸಿಕೇನಾತಿ ಪುರಿಮಸ್ಸೇವತ್ಥದೀಪನಂ.

ಸೇಸಕಂ ಉಪನೇನ್ತಿಯಾತಿ ಯದತ್ಥಾಯ ದಿನ್ನೋ, ತಂ ಚೇತಾಪೇತ್ವಾ ಅವಸೇಸಂ ಅಞ್ಞಸ್ಸತ್ಥಾಯ ಉಪನೇನ್ತಿಯಾ. ಸಾಮಿಕೇ ಅಪಲೋಕೇತ್ವಾತಿ ದಾಯಕೇ ಆಪುಚ್ಛಿತ್ವಾ. ಏವರೂಪಾಸೂ ಆಪದಾಸು ಉಪನೇನ್ತೀನನ್ತಿ ಏವರೂಪೇಸು ಉಪದ್ದವೇಸು ಅಞ್ಞಸ್ಸ ಯಸ್ಸ ಕಸ್ಸಚಿ ಅತ್ಥಾಯ ಉಪನೇನ್ತೀನಂ.

ಪಠಮಸಙ್ಘಿಕಚೇತಾಪನಸಿಕ್ಖಾಪದವಣ್ಣನಾ ನಿಟ್ಠಿತಾ.